ପହଲଗାମ ମୃତକଙ୍କ ପାଇଁ ନୀଳାଚଳ ପରିବାରର ଶ୍ରଦ୍ଧାଞ୍ଜଳି ସଭା
ଖଇରା,୨୯/୪/୨୫- ଜମ୍ମୁ କାଶ୍ମୀରର ପହଲଗାମ ଠାରେ ଆତଙ୍କବାଦୀଙ୍କ ଦ୍ଵାରା ୨୭ ପର୍ଯ୍ୟଟକ ମାନଙ୍କ ଉପରେ ହେଇଥିବା ଆକ୍ରମଣ ଓ ନୃଶଂସ ହତ୍ୟାକାଣ୍ଡର ପ୍ରତିବାଦରେ ଓଡ଼ିଆ ସାମାଜିକ ସଂଗଠନ ନୀଳାଚଳ ପରିବାର ଓ ଆୟୁଷ୍ମlନ୍ ଫାଉଣ୍ଡେସନ ଦ୍ୱାରା ଗୁରୁଗ୍ରାମ ସ୍ଥିତ କାଦିପୁର କମ୍ୟୁନିଟି ସେଣ୍ଟର ଠାରେ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି । ଅମର ଶହୀଦ ମାନଙ୍କ ଉଦ୍ଦେଶ୍ୟରେ ସମୂହ ଦ୍ବୀପ ପ୍ରଜ୍ୱଳନ ସହ ଶତାଧିକ ସଦସ୍ୟ ଓ ବିଭିନ୍ନ ସାମାଜିକ ସଂଗଠନ ଭାରତ ମାତା କି ଜୟ ନାରା ସହ ଶହୀଦ ମାନଙ୍କ ନ୍ୟାୟ ପାଇଁ ମହମବତୀ ଶୋଭାଯାତ୍ରା କାଦିପୁର କମ୍ୟୁନିଟି ସେଣ୍ଟର ଠାରୁ ଆରମ୍ଭ ହୋଇ ସେକ୍ଟର ୧୦ ପରିକ୍ରମା କରିଥିଲା । ଏହି ଅବସରରେ ଆୟୋଜିତ ଶ୍ରଦ୍ଧାଞ୍ଜଳି ସଭାରେ ଗୁରୁଗ୍ରାମ ମ୍ୟୁନିସିପାଲଟି ୱାର୍ଡ ନମ୍ୱର ୯ ର ନିଗମ ପାର୍ଷଦ ଅବିନିଶ ରାଘବ, ସେକ୍ଟର ୧୦ ର ଥାନା ଅଧିକାରୀ ତଥା ନୀଳାଚଳ ପରିବାରର ସଭାପତି ବିପ୍ଳବ ପଣ୍ଡା, ବିଶ୍ୱ ରଞ୍ଜନ ସାହୁ, ଆୟୁଷ୍ମlନ୍ ଫାଉଣ୍ଡେସନର ସଂସ୍ଥାପକ ଶ୍ରୀମନ୍ତ ବିଶ୍ଵାଳ, ଜୟଦେବ ପତି, ବିଜୟ ରାଉତ, ପ୍ରଭାତ କୁମାର ସାହୁ, ନନ୍ଦ କିଶୋର, ତନ୍ମୟ ସାମଲ, ଗଗନ କୁମାର , ରବୀନ୍ଦ୍ର ସ୍ୱାଇଁ ,ବିକାଶ ସ୍ୱାଇଁ , ସତ୍ୟ ଶିବ ପାତ୍ର ସଦସ୍ୟ ପ୍ରମୂଖ ଯୋଗ ଦେଇ ଏଭଳି ବର୍ବୋରଚିତ ହତ୍ୟାର ଦୃଢ ନିନ୍ଦା ସହ ଶହୀଦ ମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
