ଓଲଟିଲା ଡମ୍ଫର, ଅଳ୍ପକେ ବର୍ତିଲେ ଡ୍ରାଇଭର ଓ ହେଲପର
ବାଲେଶ୍ବର,୦୨/୫/୨୫ – ବାଲେଶ୍ବର ଜିଲ୍ଲା ବାହାନଗା ବ୍ଲକ ସୋର ଥାନା ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥ ବାରିକପୁର ବ୍ରିଜ ଉପରେ ବାଲେଶ୍ୱରରୁ ସୋର ଅଭିମୁଖେ ଆସୁଥିବା ଓଆର ୨୨ ବି ୬୭୧୩ ନମ୍ବର ବିଶିଷ୍ଟ ଏକ ଡମ୍ଫରଟି ଓଲଟି ପଡିଲା । ଡମ୍ଫରର ଉଭୟ ଡ୍ରାଇଭର ଓ ହେଲପର ଅଳ୍ପକେ ଏକ ବଡ଼ ଦୁର୍ଘଟଣାରୁ ରକ୍ଷା ପାଇଯାଇଛନ୍ତି । ଏହି ଦୁର୍ଘଟଣାରେ ଡ୍ରାଇଭର ଓ ହେଲପର ସାମାନ୍ୟ ଆହତ ହୋଇଥିଲେ । ଡ୍ରାଇଭରର କହିବା ଅନୁସାରେ ଗାଡ଼ି ଚାଲିଥିବା ବେଳେ ଗାଡ଼ିର ଆଗ ଚକା ହଠାତ୍ ଫାଟି ଯିବାରୁ ଷ୍ଟିରିଙ୍ଗ ଅଚଳ ହୋଇ ରାସ୍ତା ଉପରେ ଥିବା ଡିଭାଇଡର ଉପରେ ମାଡ଼ି ଯାଇଥିଲା । ଯାହାଫଳରେ ଡମ୍ଫରଟି ଓଲଟି ପଡିଥିଲା । ଖବର ପାଇ ଜାତୀୟ ରାଜପଥ ପୋଲିସ ପାଟ୍ରୋଲିଙ୍ଗ ଗାଡ଼ି ଓ ୧୧୨ ପିସିଆର ଗାଡ଼ି ଘଟଣା ସ୍ଥଳରେ ପହଂଚି କ୍ରେନ ଯୋଗେ ଗାଡ଼ିକୁ ରାସ୍ତାରୁ ହଟାଇଥିଲ। ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
