କେଗାଁ ଗ୍ରା.ପ ରେ ଅଭିଯୋଗ ଶୁଣାଣି ଓ ସମାଧାନ ଶିବିର ଅନୁଷ୍ଠିତ
ଗୋଲାମୁଣ୍ଡା,୦୫|୦୫(ମ ନି ସ): କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ଅନ୍ତର୍ଗତ କେଗାଁ ଗ୍ରାମପଞ୍ଚାୟତଠାରେ ଗ୍ରାମ ପଞ୍ଚାୟତ ସ୍ତରୀୟ ଅଭିଯୋଗ ଶୁଣାଣି ଓ ସମାଧାନ ଶିବିର ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମ ରେ ଗୋଲାମୁଣ୍ଡା ବ୍ଲକ ଅଧ୍ୟକ୍ଷ ବିନ୍ଦୁ ମହାନନ୍ଦ,ସହକାରି ଯନ୍ତ୍ରୀ ପର୍ଶୁରାମ ନାୟକ, ଏବିଇଓ ଲବଣି ନାଏକ, ରାଜସ୍ବ ନୀରିକ୍ଷକ ଶୋଭା କିଶୋର ମଲ୍ଳିକ,ସରପଞ୍ଚ ଆମୃତା ବଛା, ଆରଡବ୍ଲୁଏସଏସ କନିଷ୍ଠ ଯନ୍ତ୍ରୀ ରିତାରାଣୀ କିଶାନ,କନିଷ୍ଠ କିରାଣୀ ନନ୍ଦିନୀ ଶବର , ସାମାଜିକ ସୁରକ୍ଷା ଅଧିକାରୀ ଚନ୍ଦନ ନାଏକ, ଆଇସିଡ଼ିଏସ ମହିଳା ପରିଦର୍ଶିକା ଶାନ୍ତିଲତା ମଙ୍ଗରାଜ,ପିଇଓ ଶୁଭାଶିଷ ନାଏକ , ଜିଆରଏସ ଯୁଗେଶ୍ୱର ଚଣ୍ଡୀଙ୍କ ସମେତ ଅନେକ ପଦାଧିକାରୀ ଉପସ୍ଥିତ ଥିଲେ । ଏହି ଅଭିଯୋଗ ଶିବିର ରେ ସମୁଦାୟ ୧୩୫ ଜଣ ନିଜ ନିଜ ଅଭିଯୋଗ ପଞ୍ଜିକରଣ କରିଥିବା ବେଳେ ପ୍ରାୟ ୨୮ଜଣଙ୍କ ସମସ୍ୟା ର ସମାଧାନ ତୁରନ୍ତ ସମାଧାନ କରାଯାଇଥିଲା । ଅଭିଯୋଗ ମଧ୍ୟରୁ ୧୨ଜଣ କେବଳ ଆବାସ ଯୋଜନା,ମନରେଗା ୩୫,ପିଡିଏସ ବାବଦ କୁ ୨,ପେନସନ ୪୧,ତହସିଲ ସମ୍ବନ୍ଧୀୟ ୧୮,ଗ୍ରାମ୍ୟ ଜଳଯୋଗାଣ ଓ ପରିମଳ ସମ୍ବନ୍ଧୀୟ ୨ ଓ ଅନ୍ୟାନ୍ୟ ସମସ୍ୟା ପାଇଁ ୨୫ ଗୋଟି ଅଭିଯୋଗ କରିଥିବା ଜଣାପଡ଼ିଛି ।
ଦାମୋଦର ଦାସ ଙ୍କ ରିପୋର୍ଟ୍
