ଶିକ୍ଷାବିତ ନାଏକ ଗହୀରଙ୍କ ପରଲୋକ
ଜୁନାଗଡ଼,୧୬/୫(ମନୀ ସ)କଳାହାଣ୍ଡି ଜିଲ୍ଲାର ଜଣେ ସ୍ଵନାମଧନ୍ୟ ଶିକ୍ଷକ ଏବଂ ବିଶିଷ୍ଠ ଶିକ୍ଷାବିତ ଶ୍ରୀଯୁକ୍ତ ନାଏକ ଗହିର ପଞ୍ଚଭୂତରେ ଲୀନ ହୋଇଯାଇଛନ୍ତି । ଜୁନାଗଡ ବ୍ଲକ ଅନ୍ତର୍ଗତ ହାବସପୁର ପଞ୍ଚାୟତ ଅଧିନସ୍ଥ ଅମ୍ବାଦୁଲା ଗ୍ରାମରେ ଥିବା ନିଜ ବାସଭବନରେ ଦୀର୍ଘ ଦଶ ଦଶନ୍ଧି (100 ବର୍ଷ) ରୁ ଉର୍ଦ୍ଧ୍ୱ ଜୀବନଯାପନ କଲାପରେ ଵୃଦ୍ଧାବସ୍ଥା ହେତୁ ତାଙ୍କ ପରଲୋକ ହୋଇଯାଇଛି । ଏହି ଅଞ୍ଚଳର ଜଣେ ପୁରାତନ ଶିକ୍ଷକ ରୂପେ ତାଙ୍କ ଶିକ୍ଷା ପ୍ରଣାଳୀର ଦକ୍ଷତା, ପାରଦର୍ଶିତା ସମସ୍ତଙ୍କୁ ପ୍ରଭାବିତ କରିଥିଲା ଏବଂ ବିଶେଷକରି ତାଙ୍କ ଦ୍ୱାରା ଶିକ୍ଷା ଗ୍ରହଣ କରିଥିବା ଛାତ୍ର ସମାଜ ପାଇଁ ସେ ଥିଲେ ଏକ ମାର୍ଗଦର୍ଶକ । ସେମାନଙ୍କ ମଧ୍ୟରୁ ଅନେକ ବିଭିନ୍ନ ପଦ ପଦବୀରେ ଅବସ୍ଥାପିତ UV ହୋଇ ସମାଜକୁ ଦିଗଦର୍ଶନ ଦେଉଛନ୍ତି ଏବଂ ଏହାର ଶ୍ରେୟ ରୂପେ ଶ୍ରୀଯୁକ୍ତ ଗହିରଙ୍କୁ ସେମାନେ କେବେ ମଧ୍ୟ ଭୁଲିପାରିବେ ନାହିଁ । ତାଙ୍କ ମୃତ୍ୟୁପରେ ଅଞ୍ଚଳରେ ଦୁଃଖର ଲହରୀ ଖେଳିଯାଇଛି ଏବଂ ସମସ୍ତେ ମର୍ମାହତ ହୋଇପଡିଛନ୍ତି । ଏହିପରି ପରିସ୍ଥିତି ରେ ବିଭିନ୍ନ ମହଲରୁ ଶୋକାକୁଳ ପରିବାର ପ୍ରତି ସମବେଦନା ଜଣେଇବା ସହିତ ଅମର ଆତ୍ମାର ସଦଗତି କାମନା କରିଛନ୍ତି l
ଜୁନାଗଡ଼ ରୁ ନରେନ୍ଦ୍ର କ୍ଷିତି ଙ୍କ ରିପୋର୍ଟ୍
