ଡକାୟତ ମାମଲାରୁ ୯ ଜଣ ଗ୍ରାମବାସୀନ୍ଦା ଖଲାସ
ନବରଙ୍ଗପୁର:(୧୯|୫)(ରବି ନାରାୟଣ ମହାନ୍ତି)୯ ଜଣ ଗ୍ରାମ ବାସିନ୍ଦା ସାକ୍ଷ୍ୟ ପ୍ରମାଣ ଅଭାବରୁ ଖଲାସ ହୋଇଛନ୍ତି । ୨୦୨୨ ମସିହା ଜୁନ ୧୭ ତାରିଖ ଦିନ ସିନ୍ଧିଗୁଡା ଗ୍ରାମରେ ଏକ ସଡକ ଦୁର୍ଘଟଣା ହୋଇଥିଲା । ଏହି ଦୁର୍ଘଟଣାରେ ଖୁଣ୍ଟିଆ ଗ୍ରାମର ଧାନ ମିଲର ବୋଲେର ଗାଡି ସମ୍ପୃକ୍ତି ଅଭିଯୋଗ କରି ଗ୍ରାମ ବାସିନ୍ଦା ମାନେ ରାସ୍ତା ରୋକ କରିଥିଲେ । ପରବର୍ତ୍ତୀ ସମୟରେ ୧୮ ତାରିଖ ରାତ୍ର ପ୍ରାୟ ୧୧ ଘଣ୍ଟା ସମୟରେ ସିନ୍ଧିଗୁଡା ଗ୍ରାମର କିଛି ଲୋକ ମିଲରେ ଜବରଦସ୍ତ ପ୍ରବେଶ କରି ସମ୍ପତି ନଷ୍ଟ କରିବା ସହ 3 ଲକ୍ଷ ଟଙ୍କା ଲୁଟି ନେଇଥିବା ମିଲ ମାଲିକ ବି ଲକ୍ଷ୍ମୀ ଏତେଲା ଦେଇଥିଲେ । ଏତଲା ଆଧାରରେ ପୋଲିସ ତଦନ୍ତ କରି ସିନ୍ଧିଗୁଡା ଗ୍ରାମର ୯ ଜଣଙ୍କୁ ଅଭିଯୁକ୍ତ ଦର୍ଷେଇଥିଲା । ଇତି ମଧ୍ୟରେ ୯ ଜଣ ଅଭିଯୁକ୍ତ ମାନ୍ୟବର ଉଚ୍ଚତମ ନ୍ୟାୟାଳୟ ଠାରୁ ଜାମିନରେ ଆସିଥିଲେ । ଶନିବାର ଦିନ ସି ଜେ ଏମ ସାକ୍ଷ୍ୟ ପ୍ରମାଣ ଅଭାବରୁ ୯ ଜଣ ଗ୍ରାମବାସୀଙ୍କୁ ଖୋଲାସ କରିଛନ୍ତି । ଅଭିଯୁକ୍ତ ମାନଙ୍କ ତରଫରୁ ବରିଷ୍ଠ ଆଇନଜୀବୀ ସି ଏଚ ବାବା ଯୁଗନ୍ଧର, ଇମ୍ରାନ ସରିଫ ଓ ସି ଏଚ ଭେଙ୍କଟେଶ ମାମଲା ପରିଚାଳାନା କରିଥିଲେ ।
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତି ଙ୍କ ରିପୋର୍ଟ ମସିହା ନିଉଜ୍
