ଶିବ ପାର୍ବତୀ ବିବାହ ଉତ୍ସଵ ପାଳନ
ଔପଦା,୩୧/୫/୨୫ – ବାଲେଶ୍ବର ଜିଲ୍ଲା ଔପଦା ବ୍ଲକ ବଡପୋଖରି ପଞ୍ଚାୟତ ଜୟନାରାୟଣପୁର ଶାସନରେ ଥିବା ରାମେଶ୍ବର ମନ୍ଦିର ପରିସରରେ ଶିବ ପାର୍ବତୀ ବିବାହ ଉତ୍ସବ ଖୁବ୍ ଧୁମଧାମରେ ପାଳିତ ହୋଇଯାଇଛି । ଏହି ଗ୍ରାମର ଜଣେ ଆଦର୍ଶ ଶିକ୍ଷକ ସ୍ୱର୍ଗତ ଗଣେଶ ଚନ୍ଦ୍ର ପଣ୍ଡାଙ୍କ ସହଧର୍ମିଣୀ ସୁକାନ୍ତି ପଣ୍ଡାଙ୍କ ଦ୍ଵାରା ଆୟୋଜିତ ଏହି କାର୍ଯ୍ୟକ୍ରମରେ ଶତାଧିକ ଶ୍ରଦ୍ଧାଳୁ ଉପସ୍ଥିତ ରହି ଉକ୍ତ ଉତ୍ସବରେ ଭାଗ ନେଇଥିଲେ । ଏଥିରେ ବଧି ଗ୍ରାମର ଗଣେଶ୍ୱର ପାଢୀ ପରିବାର ବର ପକ୍ଷ ହୋଇଥିବା ବେଳେ ଗଣେଷ ପଣ୍ଡାଙ୍କ ପରିବାର କନ୍ୟା ପକ୍ଷ ହୋଇ ଵିଵାହ ଉତ୍ସବ ପାଳନ କରିଥିଲେ । ଏହା ପାଞ୍ଚ ଦିନଧରି ଚାଲିବ । ତା ୩୦/୫/୨୫ ରିଖରୁ ଅଧିବାସ ହୋଇ ଥିବାବେଳେ ପାଞ୍ଚ ତାରିଖରେ ଉଦଯାପିତ ହେବାର କାର୍ଯ୍ୟକ୍ରମ ସ୍ଥିର ହୋଇଛି l ଶେଷ ଦିନ ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ସହ ପ୍ରବଚନ କାର୍ଯକ୍ରମ ଅନୁଷ୍ଠିତ ହେବ ବୋଲି ଉଦ୍ୟକ୍ତା ସୁକାନ୍ତି ପଣ୍ଡା ଜଣାଇଛନ୍ତି । ସକାଳ ୧୦ ଘଟିକା ସମୟରେ ବାଜା ରୋଷଣୀ ଓ କୀର୍ତ୍ତନ ମଣ୍ଡଳୀ ସହ ଏକ ବିଶାଳ ପଟୁଆରରେ ମନ୍ଦିର ବେଢ଼ା ଠାରୁ କଳସ ଶୋଭାଯାତ୍ରା ବାହାରି ବଧୀ ପୋଖରି ପର୍ଯ୍ୟନ୍ତ ଯାଇ ଘଟ ଉତ୍ତୋଳନ କରି ମନ୍ଦିରକୁ ଫେରିଥିଲେ । ୧୧ ଜଣ ବ୍ରାହ୍ମଣ ପୂଜା କାର୍ଯ୍ୟରେ ଲାଗିଥିବା ବେଳେ ୩୦ ରୁ ଅଧିକ କଳସ ସ୍ଥାପନ ହୋଇଥିଲା । ଏକ ତାରିଖ ଶୀତଳ ଷଷ୍ଠୀରେ ଘଟ ବିସର୍ଜନ ହେବାର କାର୍ଯ୍ୟକ୍ରମ ରହିଛି । ପ୍ରତ୍ୟେକ ଦିନ ସନ୍ଧ୍ୟାରେ ନାମ ସଙ୍କୀର୍ତ୍ତନର ଆୟୋଜନ କରାଯାଇଛି । ଏଥିରେ ଜୟନାରାୟଣ ପୁର ଶାସନ ଓ ବଧି ଶାସନର ସମସ୍ତ ଲୋକଙ୍କର ସହଯୋଗରେ କାର୍ଯ୍ଯ ସମ୍ପାଦିତ ହେଉ ଅଛି । ଆନନ୍ଦ ବଜାରରେ ଆଖ ପାଖ ଅଞ୍ଚଳରୁ ହଜାର ହଜାର ସଂଖ୍ୟାରେ ଶ୍ରଦ୍ଧାଳୁ ଯୋଗ ଦେଇ ଆନନ୍ଦ ବଜାରରେ ଭାଗ ନେଇଥିଲେ ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
