ସୁନ୍ଦର ଏବଂ ସ୍ୱୟଂ ସମ୍ପୂର୍ଣ୍ଣ ସମାଜ ଗଠନରେ କଳାକାରମାନଙ୍କ ଗୁରୁତ୍ୱପୂର୍ଣ ଭୂମିକା ନିର୍ବାହ କରିଥାନ୍ତି : ମହାସଂଘ
ବ୍ରହ୍ମପୁର, ତା. ୦୧/୦୬ : କଳା ଓ କଳାକାର ହିତୈଷୀ ମହାମଞ୍ଚ ” ନିଖିଳ ଓଡ଼ିଶା ବରିଷ୍ଠ କଳାକାର ମହାସଂଘ ” ପକ୍ଷରୁ କୋଦଳା ବ୍ଲକ ଅନ୍ତର୍ଗତ ଛଚିନା ପୁରୁଣା ପ୍ରାଥମିକ ବିଦ୍ୟାଳୟ ପରିସରରେ ପ୍ରାକ୍ତନ ଚେୟାରମ୍ୟାନ ନିଶାକର ରାଉତଙ୍କ ଅଧ୍ୟକ୍ଷତାରେ ଏକ ବନ୍ଧୁ ମିଳନ ଉତ୍ସବ ଅନୁଷ୍ଠିତ ହୋଇଯାଇଛି । ମହାସଂଘ ମହାସଚିବ ସୁବାସ ଚନ୍ଦ୍ର ସାହୁ କାର୍ଯ୍ୟକ୍ରମର ଶୁଭ ଉଦ୍ଘାଟନ କରିବା ସହ ସୁନ୍ଦର ସୃଷ୍ଠୁ ସମାଜ ଗଠନ କ୍ଷେତ୍ରରେ କଳାକାର ମାନଙ୍କ ଭୂମିକା ଅତୀବ ଗୁରୁତ୍ୱପୂର୍ଣ୍ଣ ବୋଲି ଉଦବୋଧନ ଦେଇଥିଲେ । ଏହି ଅବସରରେ ସୁନାମଧନ୍ୟ ମୃଦଙ୍ଗ ବାୟକ ଗୁରୁ ନବଘନ ସେଠୀ, ଲୋକ ଗୀତ ଶିଳ୍ପୀ ତ୍ରିଲୋଚନ ପଲାଇ, ମହାସଂଘ କୋଷାଧ୍ୟକ୍ଷ ମହେନ୍ଦ୍ର କୁମାର ସାହୁ ପ୍ରମୁଖ ମଂଚାସୀନ ଥିଲେ । ମହାସଂଘ ସଦସ୍ୟ କୁନୁ ବେହେରା ସ୍ୱାଗତ ଭାଷଣ ଦେଇଥିବା ବେଳେ ଶ୍ରୀଶ୍ରୀଶ୍ରୀ କପିଳେଶ୍ୱର ମହିଳା ନାମ ସଂକୀର୍ତ୍ତନ ମଣ୍ଡଳୀ ତରଫରୁ ସ୍ୱାଗତ ସଙ୍ଗୀତ ପରିବେଷଣ କରାଯାଇଥିଲା । ସଂକୀର୍ତ୍ତନ ମଣ୍ଡଳୀର ସଦସ୍ୟା ମାନଙ୍କୁ ମହାସଂଘ ତରଫରୁ ପରିଚୟ ଫଳକ ଓ ପ୍ରମାଣ ପତ୍ର ବଣ୍ଟନ କରାଯାଇଥିଲା । କାର୍ଯ୍ୟକ୍ରମ ପରିଚାଳନାରେ ଗୁରୁ ଝୁନୁ ସାହୁ, ଇନ୍ଦୁମତୀ ବିଶ୍ୱାଳ, ସବିତା ବିଶ୍ୱାଳ, ଅମ୍ବିକା ନାହାକ, ସୁନିତା ପରିଡ଼ା, ବାସନ୍ତୀ ପ୍ରଧାନ, ଗୋଲାପ ମହାନ୍ତି, ରେଣୁ ସେଠୀ, କାମିନୀ ପାଣ୍ଡୀ, ଲିଲି ସେଠୀ, କୁନ୍ତଳା ବାରିକ, ସୀତା ପରିଡ଼ା ପ୍ରମୁଖ ସହଯୋଗ କରିଥିଲେ । ପରିଶେଷରେ ଛଚିନା ମହିଳା ସଂକୀର୍ତ୍ତନ ମଣ୍ଡଳୀ ବରିଷ୍ଠ କଳାକାର ସଙ୍ଘର କଳାକାର ଶୋଭାଯାତ୍ରାରେ ଅଂଶ ଗ୍ରହଣ କରିବା ସୂଚନା ଦେବାସହ ଆନୁଷ୍ଠାନିକ ଧନ୍ୟବାଦ ଅର୍ପଣ କରିଥିଲେ ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
