ସ୍ନାନ ମଣ୍ଡପରେ ସ୍ନାନ କଲେ ଚତୁର୍ଦ୍ଧା ମୂରତି
ଜୁନାଗଡ଼,,ତା.୧୨|୬(ମନୀସ): ଆବାହମାନ କାଳରୁ ଜୁନାଗଡ ବ୍ଲକ ଦାସିଗାଁ ଠାରେ ପୂଜା ପାଇଆସୁଛନ୍ତି ଚତୁର୍ଦ୍ଧା ମୂରତି | ବାର ମାସରେ ତେର ଯାତ୍ରା ସହ ଅନେକ ପର୍ବପର୍ବାଣୀ ଅନୁଷ୍ଠିତ ହୁଏ,ଦାସିଗାଁ ଜଗନ୍ନାଥ ମନ୍ଦିର ଠାରେ | ଜଗନ୍ନାଥ ସଂସ୍କୃତି ଅନୁସାରେ ଜୈଷ୍ଠ ପୁର୍ଣିମା ଦିନ ବଡ ଠାକୁର ବଳଭଦ୍ର, ଜଗନ୍ନାଥ, ମାତା ସୁଭଦ୍ରା ସହ ପ୍ରଭୁ ସୁଦର୍ଶନ ସ୍ନାନ ମଣ୍ଡପରେ ବିଜେ କରି ୧୦୮ ଗରା ପବିତ୍ର ଜଳ ସ୍ନାନ କରନ୍ତି l ସେହିଭଳି ଦାସିଗାଁ ଜଗନ୍ନାଥ ମନ୍ଦିର ସ୍ନାନ ମଣ୍ଡପରେ ମଧ୍ୟ ସ୍ନାନ କରିଛନ୍ତି ଚତୁର୍ଦ୍ଧା ମୂରତି l ମହାପ୍ରଭୁଙ୍କ ସ୍ନାନ ଯାତ୍ରା ରେ ସାମିଲ ହୋଇ ଭଗବାନଙ୍କୁ ଦର୍ଶନ କରିବା ପାଇଁ ଅଂଚଳର ଶତାଧିକ ଶ୍ରଦ୍ଧାଳୁ ଉପସ୍ଥିତ ରହି ଅଶେଷ କୃପା ଲାଭ କରିଥିଲେ l ସ୍ନାନ କର୍ତ୍ତା ବିକାଶଚନ୍ଦ୍ର ଖମାରି,ତାଙ୍କ ଧର୍ମ ପତ୍ନୀ ସ୍ମୁତିରେଖା ଖମାରି | ଏହି ଜଗନ୍ନାଥ ମନ୍ଦିର ପୂଜକ ବିରଞ୍ଚି ବେହେରା, ମନ୍ଦିର କମିଟିର ସଭାପତି ସୁରେଶଚନ୍ଦ୍ର ପଣ୍ଡା, ଉପ ସଭାପତି ଅକ୍ଷୟ ପଣ୍ଡା,ସତ୍ୟନାଥ ପ୍ରହରାଜ,ଚିତରଞ୍ଜନ ପଣ୍ଡା,ସୂର୍ଯ୍ୟ ପଣ୍ଡା,ବିଶ୍ୱନାଥ ମୁଣ୍ଡ,ନାରାୟଣ ପାଢ଼ୀ,ଭୁବନ ପ୍ରହରାଜ, ଅରୁନ ଖମାରି, ତା ସମେତ ଗ୍ରାମର ସମସ୍ତ ଲୋକେ ସହଯୋଗ କରିଥିଲେ |
ଜୁନାଗଡ଼ ରୁ ନରେନ୍ଦ୍ର କ୍ଷିତି ଙ୍କ ରିପୋର୍ଟ୍
