କବି ପଲ୍ଲବୀ ଦାସଙ୍କୁ ନନ୍ଦକିଶୋର ସ୍ମୃତି ସମ୍ମାନ
ଜୁନାଗଡ଼,୧୨/୬(ମନୀସ) କଟକ ଶ୍ରୀରାମଚନ୍ଦ୍ର ଭବନ ଠାରେ ଆୟୋଜିତ ନନ୍ଦକିଶୋର ସାମଲ ସ୍ମୃତି ସଂସଦର ବାର୍ଷିକ ଉତ୍ସବରେ କବି ପଲ୍ଲବୀ ଦାସଙ୍କୁ କବିତା କ୍ଷେତ୍ରରେ ନନ୍ଦକିଶୋର ସ୍ମୃତି ସମ୍ମାନ ପ୍ରଦାନ କରାଯାଇଛି । ଗତ ଶନିବାର ସଂଧ୍ୟାରେ ମୁଖ୍ଯ ଅତିଥି ପ୍ରାକ୍ତନ ପ୍ରଶାସକ ରତ୍ନାକର ରାଉତ , ମୁଖ୍ଯବକ୍ତା ସ୍ନାୟୁଶଲ୍ୟ ବିଶେଷଜ୍ଞ ଡ଼ା ରବି ନାରାୟଣ ପଣ୍ଡା , ସମ୍ମାନିତ ବକ୍ତା ଭାବେ ଡ. ନୃସିଂହ ଚରଣ ବେହେରା , ସଂସଦର ଅଧ୍ୟକ୍ଷ ଗଣେଶ୍ୱର ସ୍ୱାଇଁଙ୍କ ଅଧ୍ୟକ୍ଷତାରେ ପ୍ରମୁଖ କବି ପଲ୍ଲବୀଙ୍କୁ ମାନପତ୍ର, ଫଳକ ,ଉପଢ଼ୌକନ ଓ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରିଥିଲେ । ସେଦିନର ପ୍ରଥମଶ୍ରେଣୀ ପାଠ୍ୟ ପୁସ୍ତକର ସେଇ “ଆମ ଘର ” ପଦ୍ୟର ରଚୟିତା ନନ୍ଦକିଶୋର ସାମଲ ଆଜି ବି ଘରେଘରେ ପରିଚିତ । ସଂସଦର ଅଧ୍ୟକ୍ଷ ଗଣେଶ୍ୱର ସ୍ୱାଇଁ ପଲ୍ଲବୀ ଦାସଙ୍କ କବିତାପୁସ୍ତକ ‘ ଏବେ ଯିବୁ ଯଦି ଯା ‘ ସମ୍ପର୍କରେ ଆଲୋକପାତ କରିଥିଲେ । ତତ୍ ସହିତ ଓଡିଶାର ବିଭିନ୍ନ ସାରସ୍ବତ ଅନୁଷ୍ଠାନ ତରଫରୁ କଳାହାଣ୍ଡିର କବି ପଲ୍ଲବୀ ସମ୍ବର୍ଦ୍ଧିତ ହୋଇଛନ୍ତି । ତାଙ୍କର ଅନୁରାଗଭରା କବିତା ଓ କବିତାର ନୂଆଦିଗ ହିଁ ପାଠକ ଦରବାରରେ ବେଶ୍ ଆଦୃତିଲାଭ କରିଛି ।
ଜୁନାଗଡ଼ ରୁ ନରେନ୍ଦ୍ର କ୍ଷିତି ଙ୍କ ରିପୋର୍ଟ୍
