ମ.ରାମପୁର,୩୦/୪( ମସୀହl ): ମ.ରାମପୁର ନିକଟବର୍ତ୍ତୀ ନର୍ଲା ବ୍ଲକ୍ ଅନ୍ତର୍ଗତ ଭାଟେଲ ଗ୍ରାମର ବୃଦ୍ଧ ଦମ୍ପତି ଦୂତିଆ ଝରା ( ୭୬) ଓ ସ୍ତ୍ରୀ ଉର୍ମିଳା ଝରା (୭୧) ନିଜର ବାର୍ଦ୍ଧକ୍ୟ ଭତ୍ତା ଟଙ୍କା ଜମା ହେଇଛି କି ନାହିଁ ତାହା ଯାଞ୍ଚ କାରାଇ ଟଙ୍କା ଉଠାଇବା ପାଇଁ ମ. ରାମପୁର ଭାରତୀୟ ଷ୍ଟେଟ୍ ବ୍ୟାଙ୍କ୍ କୁ ଗତକାଲି ଆସିଥିଲେ l ୪୩ ଡିଗ୍ରୀ ତାତି ରେ ବୃଦ୍ଧ ଦମ୍ପତ୍ତି ନିଜ ଭତ୍ତା ଟଙ୍କା ପାଇବା ପାଇଁ ପ୍ରାୟ ୫/୬ କିମି ଦୂର ବ୍ୟାଙ୍କ କୁ ଆସିଥିଲେ l ଏପଟେ ପ୍ରବଳ ଗରମ ଝାଞ୍ଜି ଅନ୍ୟପଟେ ବୃଦ୍ଧ ଜଣକ ମୁର୍ଚ୍ଛା ରୋଗୀ l କାଳ କୁ ବ୍ୟାଙ୍କ୍ ସମ୍ମୁଖ ରାସ୍ତା ପାଖରେ ବୃଦ୍ଧ ଜଣକ ମୂର୍ଚ୍ଛା ଯାଇ ଅଚେତ ହୋଇ ପଡ଼ି ରହିଥିଲେ l ସେ ଅପରାହଣ ପ୍ରାୟ ୩ ଘଣ୍ଟା ସମୟରୁ ଅଚେତ୍ ହୋଇ ପଡ଼ି ରହିଥିଲେ ସନ୍ଧ୍ୟା ୬ ଘଣ୍ଟା ପାଖାପାଖି ତଥାପି ସେ ଉଠି ପାରିଲେ ନାହିଁ l ବୃଦ୍ଧା ନିଜ ବୃଦ୍ଧ ସ୍ଵାମୀକୁ କେମିତି ଘରକୁ ଫେରାଇ ନେବ ସେ ଅସହାୟ ହୋଇ କେବଳ ଜଳକା ହୋଇ ଲୋକଙ୍କ ସାହାର୍ଯ୍ୟ ପାଇବା ପାଇଁ ଜଗି ରହିଥିଲା l ସେମାନଙ୍କ ପାଖରେ ଟଙ୍କାଟିଏ ନାହିଁ l ବୃଦ୍ଧା ଙ୍କ ଅଭିଯୋଗ ଅନୁଯାଇ- ସେମାନେ ୩ ମାସ ହେଲା ଭତ୍ତା ଟଙ୍କା ପାଇ ନାହାନ୍ତି l ପାଖ ଦୋକାନୀ ହନୁ କୁମାର ନାଗ ନିଜ ଖର୍ଚ୍ଚରେ ଗୋଟିଏ ଟେମ୍ପୋ ଗାଡ଼ି ବ୍ୟବସ୍ଥା କରି ଅସୁସ୍ଥ ବୃଦ୍ଧ ଏବଂ ବୃଦ୍ଧା ଙ୍କୁ ତାଙ୍କ ଘରକୁ ଯିବା ବ୍ୟବସ୍ଥା କରାଇଥିଲେ l ସରକାର ବୃଦ୍ଧ ବୃଦ୍ଧlଙ୍କ ଭତ୍ତା ଟଙ୍କା ଗ୍ରାମ ପଞ୍ଚାୟତ କାର୍ଯ୍ୟାଳୟ ରେ ବଣ୍ଟନ କରୁଥିଲେ l ଏବେ ବ୍ୟାଙ୍କ ଖାତା ମାଧ୍ୟମରେ ଦେବା ବ୍ୟବସ୍ଥା ଆରମ୍ଭ କରିଛନ୍ତି l ହେଲେ ବୃଦ୍ଧ ବୃଦ୍ଧା ବ୍ୟାଙ୍କକୁ ଦୌଡ଼ି ହନ୍ତସନ୍ତ ହେଉଛନ୍ତି l ଖରା ତାତିରେ ବୃଦ୍ଧ ବୃଦ୍ଧାଙ୍କ ଜୀବନ ଯିବା ବଡ଼ କଥା ନୁହେଁ l ଏଣୁ ପ୍ରଶାସନ ବିହିତ ପଦକ୍ଷେପ ନେଇ ବୃଦ୍ଧ ବୃଦ୍ଧାଙ୍କ ମଙ୍ଗଳ ଏବଂ ସୁରକ୍ଷା ପାଇଁ ଗ୍ରୀଷ୍ମ ମାସ ଭତ୍ତା ଟଙ୍କା ଘରେ ଘରେ ପହଞ୍ଚେଇବା ବ୍ୟବସ୍ଥା କରିବା ପାଇଁ ଦାବି ହୋଇଛି l
ମ. ରାମପୁର ରୁ ପରମାନନ୍ଦ ବିଶି ଙ୍କ ରିପୋର୍ଟ୍ l