ଶ୍ରମିକ ଭାଇ
ଚନ୍ଦ୍ରକଳାଦେବୀ,ବନ୍ଧୁଗାଁ, କୋରାପୁଟ
ଶ୍ରମିକ ଭାଇରେ ଶ୍ରମିକ ଭାଇ
ଖରା,ବର୍ଷା,ଶୀତେ ଖାତିରି ନାହିଁ,
ଝଡ଼ ତୋଫାନକୁ ଡର ତୋ ନାହିଁ
କାମ କରୁ ତୁହି ଜଗତ ପାଇଁ ||
ଲହୁ ଲୁହ ଢାଳି କାମ ତୁ କରୁ
ମୁଣ୍ଡର ଝାଳକୁ ତୁଣ୍ଡରେ ମାରୁ,
ରଙ୍ଗ ଆଉ ତୁଳୀ ହାତରେ ଧରୁ
ମୋ ଦେଶର ଛବି ଅଙ୍କନ କରୁ ||
କ୍ଷେତେ ହଳ କରି ମଞ୍ଜି ବୁଣଉଁ
ଗଦା ଗଦା ଶସ୍ୟ ଫଳ|ଇ ଥାଉ,
ଦେଶବାସୀଙ୍କୁ ତୁ ଖାଦ୍ୟ ଯୋଗାଉ
ତୋ ଠାରୁ ବଡ଼ କେ ଅଛିରେ ଆଉ ||
ଯତନେ ଗଢୁତୁ ଲଙ୍ଗଳ ଜୁଆଳି
ଦେଶ ସେବାରେ ନିଜକୁ ଦେଉ ବଳି,
ବଗିଚେ ଫୁଟାଉ ଫୁଲ ଭଳି ଭଳି
ସଭିଙ୍କ ପାଇଁ ସହୁ ଅଳି ଅରଦଳି ||
ଆସ ଆସ ଭାଇ ଚାଷୀ ମୁଲିଆ
ଶ୍ରମିକ, ମିସ୍ତ୍ରୀ ଓ କୁଲି ମଜୁରିଆ
ଶ୍ରମିକ ଦିବସେ ଶୋଇଛ କିଆଁ
ଦର ଦାମ ହେଲା ଆକାଶ ଛୁଆଁ ||
ଅଣ୍ଟା ଭିଡି ସତର୍କ ଆମେ ହୋଇବା
ସରକାରଙ୍କୁ ନାର୍ଯ୍ୟ ଦାଵୀ ମାଗିବା
ପୂରଣ ନ ହେଲେ ଦାବୀ ଆମର
ଆନ୍ଦୋଳନ ପାଇଁ ହେବା ତତ୍ପର ||
***************************
