ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ତରଫରୁ ସଚେତନତା କାର୍ଯ୍ୟକ୍ରମ
ଡାବୁଗାଁ, ୨୫/୭ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସମ୍ମିଳନୀ କକ୍ଷ ଠାରେ ବ୍ଲକ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ତରଫରୁ ଏକ ସଚେତନତା କାର୍ଯ୍ୟକ୍ରମ ଶୁକ୍ରବାର ଅନୁଷ୍ଠିତ ହୋଇଯାଇଅଛି । ଏହି କାର୍ଯ୍ୟକ୍ରମ ରେ ବ୍ଲକ ସାମାଜିକ ସୁରକ୍ଷା ଅଧିକାରୀ ଯତୀନ 
ପାଣିଗ୍ରାହୀ ଉପସ୍ଥିତ ରହି ବିଭାଗରେ କାର୍ଯ୍ୟକରି ହେଉଥିବା ସରକାରଙ୍କ ଜନହିତକର ଯୋଜନା ଯଥା:- ମଧୁବାବୁ ଓ ଇନ୍ଦିରାଗନ୍ଧି ପେନସନ ଯୋଜନା, ଜାତୀୟ ପରିବାର ମଙ୍ଗଳ ଯୋଜନା, ଭିନ୍ନକ୍ଷମ ଙ୍କ ପାଇଁ ଡି. ଆର. ଆଇ ଋଣ ଯୋଜନା, ଭିନ୍ନକ୍ଷମ ବ୍ୟକ୍ତି ପାଇଁ ବିବାହ ପ୍ରତ୍ସାହନ ରାଶି ଯୋଜନା, ଭିନ୍ନକ୍ଷମ ଙ୍କୁ ସହାୟକ 
ଉପକରଣ ପ୍ରଦାନ ଯୋଜନା ଓ ବାଣିଶ୍ରୀ ବୃତ୍ତି ଯୋଜନା ଉପରେ ଆଲୋକ ପାତ କରିଥିଲେ | ଉକ୍ତ ବିଭାଗର କାର୍ଯ୍ୟକୁ ସୁଚାରୁରୂପେ କାର୍ଯ୍ୟକାରି କରିଥିବା ପଞ୍ଚାୟତ ନିର୍ବାହୀ ଅଧିକାରୀ ଏ ଡି ପ୍ରସାଦ, ଏସିଡିଓ ତୁଳାରାମ ଭତ୍ରା, ବୋରିଗାଁ ଓ ନନ୍ଦପୁରାଉ ପଞ୍ଚାୟତ ର ସମସ୍ତ ଅଙ୍ଗନୱାଡି କର୍ମୀ ମାନଙ୍କୁ ପୁରସ୍କୃତ କରଯାଇଥିଲା | ଏହି କାର୍ଯ୍ୟକ୍ରମରେ ବ୍ଲକ ମଙ୍ଗଳ ସମ୍ପ୍ରସାରଣ ଅଧିକାରୀ ଆଦିତ୍ୟ ନାରାୟଣ ରଥ, ପଞ୍ଚାୟତ ନିର୍ବାହୀ ଅଧିକାରୀ ରୂପାଲୀ ମଣ୍ଡଳ ଓ ଦିବ୍ୟଶଙ୍କର ପୂଜାରୀ, ଏସିଡିଓ, ଗ୍ରାମ ରୋଜଗାର ସେବିକା ସେବକ ଓ ଅଙ୍ଗନୱାଡ଼ି କର୍ମୀ ମାନେ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମ କୁ ଅମୂଲ୍ୟ ଦଳାଇ ପରିଚାଳନା କରିଥିଲେ |
ଡାବୁଗାଁ ରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
