ମଦ ଜବତ: ୨ ଗିରଫ
ବସ୍ତା,୨୫।୭ : ବସ୍ତା ଅବକାରୀ ବିଭାଗ ପକ୍ଷରୁ ବସ୍ତା ଥାନା ଅନ୍ତର୍ଗତ ଜୟନଗରପାଟଣା ଓ ନଳବାହାର ଠାରେ ଚଢାଉ କରାଯାଇ ୨ ମଦ ବେପାରୀଙ୍କୁ ଗିରଫ୍ କରାଯାଇଥିବା ବେଳେ ସେମାନଙ୍କ ନିକଟରୁ ୨୫ ଲିଟର ଦେଶୀମଦ ଜବତ ହୋଇଛି। ଗିରଫ୍ ଅଭିଯୁକ୍ତ ମାନେ ହେଲେ ଏହି ଥାନା ଅଧୀନ ଜୟନଗରପାଟଣା ଗ୍ରାମର ବିକର୍ତ୍ତନ ପାତ୍ର(୩୫) ଓ ନଳବାହାର ଅଞ୍ଚଳର ଦିଲ୍ଲୀପ କୁମାର ବାରିକ(୩୫)। ଏ ସଂକ୍ରାନ୍ତରେ ଅବକାରି ଥାନାରେ ୨ଟି ପୃଥକ୍ ପୃଥକ୍ ମାମଲା ରୁଜୁ କରାଯାଇ ଗିରଫ୍ ଅଭିଯୁକ୍ତ ଦ୍ବୟଙ୍କୁ ଶୁକ୍ରବାର କୋର୍ଟ ଚାଲାଣ କରାଯାଇଛି। ଉକ୍ତ ଚଢାଉ ସମୟରେ ଥାନା ଅଧିକାରିଣୀ ପ୍ରଜ୍ଞାପ୍ରିୟଙ୍କା ନାୟକ, ଏ ଏସ ଆଇ ଦିଲ୍ଲୀପ କୁମାର ଟୁଡ଼ୁଙ୍କ ସମେତ ଅନ୍ୟ କର୍ମଚାରୀ ମାନେ ସାମିଲ ଥିଲେ।
ଜଗତ କୁମାର ଗିରି ଙ୍କ ରିପୋର୍ଟ୍
