ଅନୁଷ୍ଠିତ ହେଲା ଅବସର କାଳୀନ ସମ୍ବର୍ଦ୍ଧନା ସଭା
ଖଇରା,୩୧/୭/୨୫- ବାଲେଶ୍ବର ଜିଲ୍ଲା ଖଇରା ଗୋଷ୍ଠୀ ଶିକ୍ଷାଧିକାରୀଙ୍କ କାର୍ଯ୍ଯାଳୟ ପରିସରରେ ଅବସର କାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ଅବସରପ୍ରାପ୍ତ ବିଇଓ ସୁଦର୍ଶନ ରାଉତଙ୍କ ସଭାପତିତ୍ବରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବେ ସ୍ଥାନୀୟ ବିଧାୟକ ପଦ୍ମଲୋଚନ ପଣ୍ଡା ଯୋଗ ଦେଇଥିବା ବେଳେ ମୁଖ୍ୟବକ୍ତା ଭାବେ ଚେୟାରମ୍ୟାନ ଅଭିଲିପ୍ସା ସାହୁ ଯୋଗଦେଇ ଅବସର ନେଉଥିବା ବିଇଓ ଗଦାଧର ଦାସଙ୍କ କାର୍ଯ୍ୟ ଦକ୍ଷତା ଓ ବହୁମୁଖୀ ପ୍ରତିଭା ବିଷୟରେ ଆଲୋକପାତ କରିଥିଲେ । ଅନ୍ୟତମ ଅତିଥି ଭାବେ ବିଦାୟୀ ବିଇଓ ଗଦାଧର ଦାସ, ପୂର୍ବତନ ବିଇଓ ଗୋଲକ ବିହାରୀ ପାଢ଼ୀ, ପୂର୍ବତନ ବିଆରସିସି ରମେଶ ଚନ୍ଦ୍ର ଦାସ ଓ ବାସୁଦେବ ରାଉତ, ପୂର୍ବତନ ଏବିଇଓ ଶ୍ରୀଧର ପ୍ରସାଦ ବେହେରା, ଗୌରାଙ୍ଗ ମହାପାତ୍ର, ହେମନ୍ତ କୁମାର ମିଶ୍ର, ପାର୍ବତୀ ପଣ୍ଡା, ବର୍ତ୍ତମାନର ଏବିଇଓ ମାଣିକ ମିଶ୍ର ଏବଂ ଶିକ୍ଷକ ପ୍ରଶିକ୍ଷକ ରଘୁନାଥ ଦାସ ପ୍ରମୁଖ ବିଦାୟୀ ବିଇଓ ଶ୍ରୀ ଦାସଙ୍କ କର୍ମମୟ ଜୀବନ ଓ ସମୟାନୁବର୍ତ୍ତିତା, କାର୍ଯ୍ୟ ଦକ୍ଷତା, ଅଫିସ୍ ସୁପରିଚାଳନା, ସ୍ନେହ, ଶ୍ରଦ୍ଧା ଓ ଭଲ ପାଇବା ଇତ୍ୟାଦି ବିଷୟରେ ସୁନ୍ଦର ଓ କୋହଭରା ବକ୍ତବ୍ୟ ପ୍ରଦାନ କରିଥିଲେ । ବିଆରଟି ମନୋଜ ମହାପାତ୍ର ପ୍ରାରମ୍ଭିକ ସୂଚନାରେ ବିଇଓ ଅଫିସ୍ ପୁନଃହ ନିର୍ମାଣ ଏବଂ ଜଣେ ଦକ୍ଷ ପ୍ରଶାସକ ନିମନ୍ତେ ବିଧାୟକଙ୍କୁ ଅନୁରୋଧ କରିଥିଲେ । ଅତିଥି ପରିଚୟ ପ୍ରଦାନ କରିଥିଲେ ପୂର୍ବତନ ସିଆରସିସି ସୁଶାନ୍ତ କୁମାର ମହାପାତ୍ର ଏବଂ ଧନ୍ୟବାଦ ଅର୍ପଣ କରିଥିଲେ ପୂର୍ବତନ ସିଆରସିସି ଓ ଲମ୍ବୋଦର ଦାସ । ସମସ୍ତ ସିଆରସିସି ଓ ଅଫିସ୍ କର୍ମଚାରୀ କାର୍ଯ୍ୟକ୍ରମ ପରିଚାଳନାରେ ପୂର୍ଣ୍ଣ ସହଯୋଗ କରିଥିଲେ ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
