ଅପରାଜିତାଙ୍କୁ ପୁରସ୍କୃତ କଲେ ସମାଜସେବୀ କୁଞ୍ଜଲତା
ଖଇରା,୦୯/୮/୨୫- ବିଭିନ୍ନ ପ୍ରତିଯୋଗିତା ମାଧ୍ୟମରେ ପ୍ରତିଭା ଚୟନକୁ ଗୁରୁତ୍ୱ ଦେଇଥାଏ ମୋ ଅନୁଷ୍ଠାନ ସାହିତ୍ୟ ସଂସଦ । ଗଳ୍ପ, ପ୍ରବନ୍ଧ, ମେଧାଅନ୍ବେଷଣ, ଆତ୍ମକାହାଣୀ, ଭ୍ରମଣ କାହାଣୀ, କବିତା ଓ ଫଟୋ ଇତ୍ୟାଦି ପ୍ରତିଯୋଗିତା ମୋ ଅନୁଷ୍ଠାନ ହ୍ଵାଟ୍ସଆପ୍ ଏବଂ ଫେସବୁକ୍ ଗୃପ୍ ରେ ହୋଇଥାଏ । ଏଥିରେ ବିଭିନ୍ନ ସ୍ଥାନର ପ୍ରତିଯୋଗୀ ମାନେ ଅଂଶ ଗ୍ରହଣ କରିଥାନ୍ତି । ଅନୁଷ୍ଠାନ ପ୍ରତ୍ୟେକ ରବିବାର ପ୍ରତିଯୋଗିତା ମାଧମରେ କଛି ନା କିଛି ଶିକ୍ଷା ଦେଇଥାଏ ସମସ୍ତଙ୍କୁ । ସେମାନଙ୍କ ମଧ୍ୟରୁ ପ୍ରଥମ,ଦ୍ୱିତୀୟ ଓ ତୃତୀୟ ବଛାଯାଇଥାଏ । ଚଳିତ ବର୍ଷ କେବଳ ପ୍ରଥମ ସ୍ଥାନକୁ ସମ୍ବର୍ଦ୍ଧିତ ଓ ପୁରସ୍କୃତ କରୁଛି ଅନୁଷ୍ଠାନ । ଏଇ ପରିପ୍ରେକ୍ଷୀରେ ଗତ ତା ୦୧/୮/୨୦୨୫ ରିଖ ଦିନ ମୋ ଅନୁଷ୍ଠାନ ଫେସବୁକ ଗୃପ୍ ରେ ଫଟୋ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଯାହାର ଫଳାଫଳ ପ୍ରକାଶ ସରିଛି । ଯେଉଁଥିରେ ପ୍ରଥମ ସ୍ଥାନ ଅଧିକାର କରିଥିଲେ ଅପରାଜିତା ରଥ,ଭଦ୍ରକ । ସୋସିଆଲ ମିଡିଆରେ ଘୁରି ବୁଲୁଥିବା ଫଳାଫଳକୁ ଦେଖି ଅନୁଷ୍ଠାନର ଏଭଳି କାର୍ଯ୍ୟକ୍ରମରେ ସନ୍ତୁଷ୍ଟ ହୋଇଥିଲେ ସମାଜସେବୀ ଭଉଣୀ କୁଞ୍ଜଲତା ମାହୁଁନ୍ତ । ନିଜର ସମାଜସେବାରେ ବିନିଯୋଗ ଅର୍ଥରୁ କିଛି ଅର୍ଥ ପ୍ରଦାନ ନିମନ୍ତେ ମନସ୍ଥ କରି ଆଜି କାର୍ଯ୍ଯାଳୟକୁ ଆସି ତାହା ସମ୍ପାଦକ ନରେନ୍ଦ୍ର ପ୍ରସାଦ ବେହେରାଙ୍କ ନିକଟରେ ପୈଠ କରିଛନ୍ତି । ଅନୁଷ୍ଠାନ ସାଦରେ ଗ୍ରହଣ କରିଛି ଓ ଖୁବ୍ ଶୀଘ୍ର ଶ୍ରୀମତୀ ରଥଙ୍କୁ ଏ ପୁରସ୍କାର ରାଶି ପ୍ରଦାନ କରାଯିବ ବୋଲି ସମ୍ପାଦକ ତାଙ୍କୁ ପ୍ରତିଶ୍ରୁତି ଦେଇଛନ୍ତି । ଶ୍ରୀମତୀ କୁଞ୍ଜଲତା କେବଳ ସମାଜସେବୀ ନୁହନ୍ତି ସେ ଏକାଧାରରେ ଜଣେ ସୁ-ସାହିତ୍ୟିକା, କବୟିତ୍ରୀ, ପରୋପକାରୀ, ସ୍ନେହୀ, ମିଷ୍ଟଭାସୀ, ସରଳ, ନିଷ୍କପଟ, ଉଦାର ହୃଦୟେଷୁ, ଶିକ୍ଷିତା, ସୁ-ଗୃହିଣୀ, ନ୍ଯାୟବତୀ, ଅନ୍ଯାୟ ବିରୋଧରେ ସ୍ବରୋତ୍ତଳନ କରିବା, ନିଜକୁ ଭୁଲି ଅନ୍ୟର ଅସୁବିଧା ସମୟରେ ନିଜକୁ ସାମିଲ କରିବା ଏମିତି ଅନେକ ଭଲ ଓ ସମାସେବା ଗୁଣରେ ପରିପୂର୍ଣ୍ଣା ଅଟନ୍ତି । ନିଜ ଅଞ୍ଚଳ ସହିତ ରାଜ୍ୟର ବିଭିନ୍ନ ଜିଲ୍ଲା ଓ ସ୍ଥାନରେ ଜନହିତ ଯୁବକ ସଂଘର ଉପଦେଷ୍ଟା ଭାବେ ସେବା କାର୍ଯ୍ୟ ଜାରି ରଖିଛନ୍ତି । ଏଥିପାଇଁ ରାଜ୍ୟର ବିଭିନ୍ନ ଅନୁଷ୍ଠାନ ତାଙ୍କୁ କରିଛି କୋଳାଗ୍ରତ ଓ ସମ୍ବର୍ଦ୍ଧିତ । ମୋ ଅନୁଷ୍ଠାନ ମଧ୍ୟ ତାଙ୍କୁ ଆଦର୍ଶ ସମାଜସେବୀ ସମ୍ମାନରେ ସମ୍ବର୍ଦ୍ଧିତ କରି ନିଜକୁ ଗୌରବାନ୍ବିତ ମନେକରିଛି । ସୁତରାଂ ସେବା ଓ ସାହିତ୍ୟ ଆକାଶରେ ସେ ଜଣେ ଉଜ୍ଜ୍ୱଳ ତାରକା । ଏ ମହାନତା ପାଇଁ ନିଶ୍ଚିତ ଭାବେ ଅନୁଷ୍ଠାନ ଇତିହାସରେ ତାଙ୍କ ନାମ ଲିପିବଦ୍ଧ ହୋଇ ରହିବ ଯୁଗଯୁଗ ପାଇଁ ଏଥିରେ ସନ୍ଦେହ ନାହିଁ । ଭଗବାନ ତାଙ୍କ ଚଲାପଥ କୁସୁମିତ କରନ୍ତୁ ଏବଂ ତାଙ୍କର ଏହି ମହତ୍ତ୍ୱପୂର୍ଣ୍ଣ ସେବା କାର୍ଯ୍ୟ ସର୍ବଦା ଜାରି ରହୁ ବୋଲି ମୋ ଅନୁଷ୍ଠାନ ପରିବାର ଈଶ୍ବରଙ୍କ ନିକଟରେ ପାଖରେ ପ୍ରାର୍ଥନା କରିଛି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
