ଅବକାରୀ ବିଭାଗ ର ଚଢ଼ାଉ,୪ ଗିରଫ
ଜୁନାଗଡ଼ ୧୪/୮(ମନିସ) କଳାହାଣ୍ଡି ଅବକାରୀ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ଚଢ଼ାଉ କରାଯାଇ ବେଆଇନ ନିର୍ମିତ ଦେଶୀ ମଦ ଜବତ କରିବାସହ ୪ ଜଣଙ୍କୁ ଗିରଫ କରାଯାଇଛି । ମିଳିଥିବା ସୂଚନା ଅନୁସାରେ ଆଜି ଅବକାରୀ ବିଭାଗ ଓ ପୁଲିସ ଏପିଆର ଫୋର୍ସ ପକ୍ଷରୁ ମିଳିତଭାବେ ମାଜିଷ୍ଟ୍ରେଟ ଙ୍କ ସହିତ ଜୁନାଗଡ଼ ଥାନାର ରଣପୁର ଓ ଏକନାଗୁଡା ଗ୍ରାମରେ ବେଆଇନ ମଦ ରନ୍ଧା ଯାଉଥିବା ଅଭିଯୋଗରେ ଚଢାଉ କରାଯାଇଥିଲା । ଚଢ଼ାଉ ବେଳେ ସେଠାରୁ ୧୦୯୦ ଲିଟର ହାତରନ୍ଧା ଦେଶୀମଦ,୩୫୦୦ କେଜି ମହୁଲ ପୋଚ,୪ ଟି ଆଲୁମିନିୟମ ହାଣ୍ଡି ସହିତ ୪୫ ଟି ପ୍ଲାଷ୍ଟିକ ଡ୍ରମ ଜବତ କରାଯାଇଥିଲା । ଏହି ବେଆଇନ କାର୍ଯ୍ୟରେ ଲିପ୍ତ ଥିବା ୪ ଜଣଙ୍କୁ ଗିରଫ କାରାଯାଇଥିବା ବେଳେ ୩ ଟି ମାମଲା ରୁଜୁ ହୋଇଛି । ଗ୍ରାମାଞ୍ଚଳରେ ବ୍ୟାପକ ମାତ୍ରାରେ ବେଆଇନ ଭାବରେ ମଦ ନିର୍ମାଣ ହେଉଥିବା ବେଳେ ଆଜିର ଚଢ଼ାଉ ଏମାନଙ୍କ ମଧ୍ୟରେ ଭୟ ସୃଷ୍ଟି କରିବ । ତେବେ କେବଳ ଗୋଟିଏ ଚଢ଼ାଉ ରେ ବିଭାଗ ଖୁସି ନହୋଇ ବାରମ୍ବାର ଏଭଳି ଚଢ଼ାଉ କରିବାକୁ ଦାବି ହେଉଛି ।
ଜୁନାଗଡ଼ ରୁ ନରେନ୍ଦ୍ର କ୍ଷିତି ଙ୍କ ରିପୋର୍ଟ୍
