ଭାରତୀ ବିଦ୍ୟା ନିକେତନ ର ନୂତନ ଗୃହ ଉଦଘାଟନ
କର୍ଲାମୁଣ୍ଡା (ସୁଶାନ୍ତ ରଣା): କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ଯୋରାଡବରା ଗ୍ରାମ ପଞ୍ଚାୟତ ସ୍ଥିତ ଯୋରାଡବରା ଛକ ଠାରେ ଥିବା ଭାରତୀ ବିଦ୍ୟା ନିକେତନ ର ନୂତନ ଗୃହର ଶୁଭ ଉଦ୍ଘାଟନ ହୋଇଯାଇଛି I ଏହି ପରିପେକ୍ଷୀରେ ମୁଖ୍ୟ ଅତିଥି ଭାବରେ ନର୍ଲା ପଞ୍ଚାୟତ ସମିତି ର ଅଧ୍ୟକ୍ଷ ଦୁର୍ଗାପ୍ରସାଦ ମହାନ୍ତି, ଅନ୍ୟ ଅତିଥି ମାନଙ୍କ ମଧ୍ୟରେ ପୂର୍ବତନ ଅତିରିକ୍ତ କର୍ଲାମୁଣ୍ଡା ବ୍ଲକ ଶିକ୍ଷା ଅଧିକାରୀ ନେତ୍ରାନନ୍ଦ ବଡ଼ମାଲି, ବାଲେଶ୍ୱର ଯୁବ ସ୍ୱେଚ୍ଛାସେବୀ ଅମର କୁମାର ପାଲ୍ , ପି.ଇ.ଓ ଏମ୍. ରାମପୁର ରମାକାନ୍ତ ସାହୁ, ହଳଦିଆ ବଶ୍ୟ ସାହୁ ସମାଜର ସଭାପତି ନୀଳମଣି ସାହୁ , ଭାରତୀ 
ବିଦ୍ୟା ନିକେତନ ର ସଭାପତି ଯୁଗିଲାଲ୍ ସାହୁ, ସମ୍ପାଦିକା ଶ୍ରୀମତି ଭାଗ୍ୟବତି ସାହୁ, କୋଷାଧ୍ୟକ୍ଷ କ୍ଷେତ୍ରରାଜ ରଣା, ପ୍ରଧାନ ଶିକ୍ଷକ ରେଶବ ନାରାୟଣ ସାହୁ ଓ ବିଦ୍ୟାଳୟ ପରିଚାଲକ ଶ୍ରୀଯୁକ୍ତ ଗଗନ ବିହାରୀ ସାହୁ, ଶିକ୍ଷକ ଶିକ୍ଷୟିତ୍ରୀ ଅଭିଭାବକ ଓ କୁନିକୁନି ଛାତ୍ରଛାତ୍ରୀ ମାନେ କାର୍ଯ୍ୟକ୍ରମରେ ପ୍ରମୁଖ ଯୋଗଦେଇଥିଲେ I ଶ୍ରୀ ମହାନ୍ତିଙ୍କ ଅଭିଭାଷଣ ସମସ୍ତଙ୍କ ମନକୁ ଛୁଇଁ ଯାଇଥିଲା ସେ ନିଜର ବାଲ୍ୟ ଜୀବନୀ ବିଷୟରେ କହି ଛାତ୍ରଛାତ୍ରୀ ମାନଙ୍କୁ ଦିଗ୍ ଦର୍ଶନ ଦେଇଥିଲେ ଏବଂ ବିଦ୍ୟାଳୟର ବିକାଶ କାମନା କରିଥିଲେ I ପରେ ବିଭିନ୍ନ ସାଂସ୍କୁତିକ କାର୍ଯ୍ୟକ୍ରମ ନୃତ୍ୟ, ସଙ୍ଗୀତ, ଗୀତି ନାଟ୍ୟ ପରିବେଷଣ କରାଯାଇଥିଲା ଏବଂ ବିଶେଷ ଆକର୍ଷଣ ଥିଲା “ମହିଷା ମଦ୍ଦିନୀ” ଗୀତିନାଟ୍ୟ ସମସ୍ତଙ୍କ ମନକୁ ଛୁଇଁ ଯାଇଥିଲା I ପରିଶେଷରେ ଭାରତୀ ବିଦ୍ୟା ନିକେତନ ର ପ୍ରଧାନ ଶିକ୍ଷକ ଶ୍ରୀମାନ ରେଶବ ନାରାୟଣ ସାହୁ ଧନ୍ୟବାଦ ଅର୍ପଣ କରିଥିଲେ I
