ଅକ୍ଷୟ ତୃତୀୟା
ପ୍ରଶାନ୍ତ କୁମାର ନାଥ
କି ଆନନ୍ଦ ଦେଖ ଚଷାପୁଅ ମନ
ଆସିଛି ଅକ୍ଷି ତୃତୀୟା
ହଳ ଲଙ୍ଗଳକୁ ସଜ କରି ତା’ର
ହେଉଛି ଖୁସିରେ ଵାୟା।
ଅକ୍ଷି ଟୋକେଇକୁ ଚିତାରେ ସଜେଇ
ଆଙ୍କିଛି ଝୋଟି ଅନେକ
ଶୁକ୍ଳ ଧାନ ଭରି ବିଲକୁ ଵାହାରେ
ହସ୍ତରେ ଧରି କୃଷକ।
ହାତେ ଅଛି ତା’ର ଫୁଲ ଚନ୍ଦନ ଯେ
ଭୋଗ ପାଇଁ ନାରିକେଳ
ଧୂପ ଦୀପ ସାଥେ ଶୁଭ ଲଗନକୁ
ଥିଲା ଅପେକ୍ଷାର ଵେଳ।
ଶୂନ୍ୟ ବିଲ ଆଜି ପଡୁଅଛି ହୁରି
ହଳ ସାଥେ ହରିବୋଲ
ଅନୁକୂଳ କରେ ମସ୍ତକରେ ମାରି
ଫସଲ ହେବାକୁ ଭଲ।
ଲକ୍ଷ୍ମୀ ସାଆନ୍ତାଣୀ ହୋଇଲେ ସୁଦୟା
କୃଷକର ହେଵ ଜୟ
ଏ ସାରା ସଂସାର ସୁଖରେ ଵଞ୍ଚିବ
ନଥିବ ଖାଦ୍ୟର ଭୟ।।
ପ୍ରଶାନ୍ତ କୁମାର ନାଥ
ଜୁଣଗଡି (ରାଜନଗର )କେନ୍ଦ୍ରାପଡ଼ା।