ଶ୍ରଦ୍ଧା ରେ ଗୁରୁଦିବସ ପାଳନ
ରାଉରକେଲା : ମାନସିକ ଭିନ୍ନକ୍ଷମ ଙ୍କ ପ୍ରତି ସମର୍ପିତ ଅନୁଷ୍ଠାନ ଶ୍ରଦ୍ଧା ରେ ପାରମ୍ପରିକ ରୀତିରେ ସ୍ଵତନ୍ତ୍ର ଛାତ୍ରଛାତ୍ରୀ ମାନଙ୍କ ଦ୍ଵାରା ପ୍ରତିବର୍ଷ ଭଳି ଉତ୍ସାହ ର ସହିତ ଗୁରୁଦିବସ ପାଳନ କରାଯାଇଥିଲା । ଛାତ୍ର ଛାତ୍ରୀ ମାନେ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ପୂଜାର୍ଚ୍ଚନା କରି ସେମାନଙ୍କ ତରଫରୁ କଲମ ତଥା ଅନ୍ୟାନ୍ୟ ଉପଢୌକନ ମଧ୍ୟ ଉପହାର ସ୍ୱରୂପ ପ୍ରଦାନ କରିଥିଲେ । ଏହା ଏକ ନିଆରା 
କାର୍ଯ୍ୟକ୍ରମ ଥିଲା । ପିଲା ମାନେ ବହୁତ ଆନନ୍ଦିତ ଓ ଉତ୍ସାହିତ ଥିଲେ । ଏହି ପରିପ୍ରେକ୍ଷୀରେ ସାଧାରଣ ସଂପାଦକ କାର୍ତ୍ତିକ ଚନ୍ଦ୍ର ପାଣ୍ଡବ ଓ କମିଟି ସଦସ୍ୟ ନରେଶ ଚନ୍ଦ୍ର ପଟେଲ ଉପସ୍ଥିତ ରହି ଏହି କାର୍ଯ୍ୟକ୍ରମ କୁ ପରିଚାଳନା କରିଥିଲେ ଏବଂ ସୂତନ୍ତ୍ର ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ଅନୁଷ୍ଠାନ ତରଫରୁ ସମ୍ବର୍ଦ୍ଧିତ କରାଯାଇଥିଲା । ଛାତ୍ର ଛାତ୍ରୀ ମାନେ କହିଥିଲେ ଯେ ଆମର ଗୁରୁଜୀ ମାନଙ୍କ ସ୍ଥାନ ଆମ ସମାଜରେ ସ୍ଵତନ୍ତ୍ର । କାରଣ ବୋଦ୍ଧିକ ବିକାଶ ଵାଧିତ ପିଲା ମାନଙ୍କୁ ଶିକ୍ଷା ଦାନ କରିବା ଏକ ସ୍ଵତନ୍ତ୍ର ପରିଚୟ ଦେଇ ଥାଏ । ଯାହା ସାଧାରଣ ସ୍କୁଲ ମାନଙ୍କରେ ନ ଥାଏ । ଏହି ଅବସରରେ ସମସ୍ତଙ୍କ ମଧ୍ୟରେ ମିଷ୍ଟାନ୍ନ ବଣ୍ଟନ କରାଯାଇଥିଲା।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
