ଭାବିନୀ ଭାବନା
ଅସ୍ତରାଗର ପୂର୍ବାଭାସରେ
ଗୋଳା ଗୋଧୂଳିର ଛାଇ
ମନେପଡି ପ୍ରିୟା ବିରହ ମୂର୍ଚ୍ଛନା
ହୃଦୟ ଦେଉଛି ଦହି ।
ଚପଳ ନଈର ଚହଲା ପାଣିକୁ
ଫିଙ୍ଗୁଥିବ ହେମଦେହୀ
ଅଳସୀ କନ୍ୟାର କାଖରେ କଳସୀ
ପାଣି ଆଣିବାର ଛଇ ।
ଅଧା ଓଢ଼ଣାରେ ଉଚ୍ଛୁଳୁ ଥିବ ତା
ଅଧରେ ମଧୁର ମଧୁ
ରୂପା ତାରକାର ତାରକସି ଟିଏ
ଇନ୍ଦୁ ପୁନେଇର ଇନ୍ଦୁ।
ଚଉରା ମୂଳରେ ଚାରୁ ଚନ୍ଦ୍ରା
ନନୀ
ସଂଜ ଦିପାଳୀ ଜାଳି
ପ୍ରଣତୀ ଢାଳିବ ପ୍ରାଣ ଆକୁଳରେ
ହେଉଥିବ ନିଉଛାଳି ।
ଅଟକି ଥିବଟି ଫଗୁଣ ସେଇଠି
ରାଗେ ଜଳୁଥିବ ଜହ୍ନ
ମାଡି ଆସୁଥିବ ମାୟାବିନୀ ରାତି
କମ୍ପୁ ଥିବ ତନୁ ମନ ।
ରଙ୍ଗ ରସିଆ ମୁଁ ପରଦେଶିଆ ଗୋ !
ଜିଉଁଛି ମୁଁ ଜଳି ଜଳି
କାନ୍ଦୁଥିବ ତୁମକୁଆଁରୀ କାମନା
ମୋ କଥା ଭାଳି ଭାଳି । .
କାଙ୍ଗାଳୀଚରଣ ସେଠୀ
ଯାଜପୁର
