ଯୁବତୀ ଙ୍କ ଅଶ୍ଳୀଳ ଭିଡିଓ ଭାଇରାଲ ମାମଲାରେ ଯୁବକ ଗିରଫ
ଡାବୁଗାଁ, ୨୦/୯ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ପୋଲିସ ଯୁବତୀଙ୍କ ଅଶ୍ଳୀଳ ଭିଡିଓ ଭାଇରାଲ ମାମଲା ରେ ଜଣେ ଯୁବକକୁ ଗିରଫ କରି ଶନିବାର କୋର୍ଟ ଚାଲାଣ କରିଛି | ସୂଚନାଯୋଗ୍ୟ:- ଡାବୁଗାଁ ଥାନା ଅଞ୍ଚଳର ଜଣେ ୨୨ ବର୍ଷର ଯୁବତୀ ଙ୍କ ବଡ ଭାଉଜ ଙ୍କ ଭାଇ ପାପଡାହାଣ୍ଡି ଥାନା ଅଧୀନ ଗୋବର୍ଲା ଗ୍ରାମର ମସ୍ତୁରାମ ଭତ୍ରା (୨୩) ଯୁବତୀଙ୍କ ଘରେ ଆସି ରହି ଚାଷ କାମ କରୁଥିଲେ | ଯୁବତୀ ଙ୍କ ଘରେ ରହିବା ସମୟରେ ଯୁବତୀଙ୍କ କିଛି ଅଶ୍ଳୀଳ ଭିଡିଓ କରିଥିଲେ | ପରେ ମସ୍ତୁରାମ କାମ କରିବା ପାଇଁ ହାଇଦ୍ରାବାଦ ଚାଲି ଯାଇଥିଲେ | କିଛି ଦିନ ପରେ ପାଖ ଗ୍ରାମରେ ଯୁବତୀ ଙ୍କ ବିବାହ ସ୍ଥିର ହୋଇଥିଲା | ଆଜକୁ ୩ ମାସ ତଳେ ଯୁବତୀଙ୍କ ବିବାହ ସ୍ଥିର କରାଯାଇଥିବା ଯୁବକଙ୍କ ମୋବାଇଲ କୁ ମସ୍ତୁରାମ ଭତ୍ରା ଯୁବତୀଙ୍କ ଅଶ୍ଳୀଳ ଭିଡିଓ ସବୁ ପଠାଇଦେଇଥିଲା | ଏହାପରେ ଯୁବତୀଙ୍କ ଶଶୁର ଘର ଲୋକେ ଯୁବତୀଙ୍କୁ ନିଜ ପୁଅ ସହ ବିବାହ ଭାଙ୍ଗି ଦେଇଥିଲେ | ଏହାପରେ ଯୁବତୀ ଙ୍କ ବାପା ୧୧.୯.୨୫ ଦିନ ଏନେଇ ଡାବୁଗାଁ ଥାନା ରେ ଏତଲା ଦେଇଥିଲେ | ଉକ୍ତ ଏତଲାକୁ ଭିତ୍ତି କରି ଥାନା କେସ ନଂ ୧୮୮/୨୫ ରେ ଏକ ମାମଲା ରୁଜୁ କରି ଥାନା ଆଇଆଇସି ଗୋପାଳକୃଷ୍ଣ ଆଗୁପାତ୍ର ଘଟଣା ର ତଦନ୍ତ ଆରମ୍ଭ କରିଥିଲେ | ଶନିବାର ପୋଲିସ ମସ୍ତୁରାମ ଙ୍କୁ ଗିରଫ କରି କୋର୍ଟ ଚାଲାଣ କରିଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
