ଏକାତ୍ମ ମାନବବାଦର ପୁରୋଧା ପଣ୍ଡିତ ଦୀନଦୟାଲଙ୍କ ଜନ୍ମ ଜୟନ୍ତୀ ପାଳିତ
ରାଉରକେଲା ୨୬/୯, ରାଉରକେଲା, ସେକ୍ଟର-୩ ସ୍ଥିତ ବିଜେପି ଜିଲ୍ଲା କାର୍ଯ୍ୟାଳୟ ପରିସରରେ, ବିଜେପି ରାଉରକେଲା ସାଂଗଠନିକ ଜିଲ୍ଲା ତରଫରୁ ଭାରତୀୟ ଜନସଂଘର ରାଷ୍ଟ୍ରୀୟ ନେତା ତଥା ଅନ୍ତୋଦୟ ଓ ଏକାତ୍ମମାନବବାଦର ପ୍ରଣେତା ପଣ୍ଡିତ ଦୀନଦୟାଲ ଉପାଧ୍ୟାୟଙ୍କ ଜନ୍ମ ଜୟନ୍ତୀ ଗୁରୁବାର ଦିନ ପାଳନ କରାଯାଇଛି। ଏହି କାର୍ଯ୍ୟକ୍ରମରେ ରାଜ୍ୟ ଉପାଧ୍ୟକ୍ଷା ସୁଶ୍ରୀ ସୁକେଶୀ ଓରାମ ମୁଖ୍ୟ ଅତିଥି ରୂପେ ଯୋଗ ଦେଇ ପଣ୍ଡିତ ଦୀନଦୟାଲଙ୍କ ଫଟୋଚିତ୍ରରେ ଶ୍ରଦ୍ଧା ସୁମନ ଅର୍ପଣ କରିଥିଲେ । ଏହି କାର୍ଯ୍ୟକ୍ରମରେ ବରିଷ୍ଠ ନେତା ତଥା ଜିଲ୍ଲା ମୁଖପାତ୍ର ଗଙ୍ଗାଧର ଦାଶ ମୁଖ୍ୟ ବକ୍ତା ଭାବେ ଓ ରାଜ୍ୟ କାର୍ଯ୍ୟକାରିଣୀ ସଦସ୍ୟ ରମେଶ ଅଗ୍ରୱାଲ ଅତିଥି ରୂପେ 
ଯୋଗ ଦେଇ ପଣ୍ଡିତ ଦୀନଦୟାଲଙ୍କ ସୃତିଚାରଣ କରିଥିଲେ । ସୁଶ୍ରୀ ଶୁକେଶି ଓରାମ ତାଙ୍କ ବକ୍ତବ୍ୟରେ ଦୀନଦୟାଲ ଥିଲେ ଜଣେ ଦେଶ ପ୍ରାଣ ମାନବବାଦୀ ନେତା, ନିଃସ୍ଵାର୍ଥପର ଜନ ସେବକ, ପ୍ରବୀଣ ରାଜନୀତିଜ୍ଞ, ବିଶିଷ୍ଠ ସମାଜ ବିଜ୍ଞାନୀ ଏବଂ ତେଜସ୍ଵୀ ପଜ୍ଞାପୁରୁଷ ବୋଲି ପ୍ରକାଶ କରିଥିଲେ । ଏହି ମହାପୁରୁଷଙ୍କ ପୁଣ୍ୟ ଜନ୍ମ ତିଥିରେ କୋଟି କୋଟି ଦେଶବାସୀଙ୍କ ସହିତ ଆମେ ତାଙ୍କ ଅମର ସ୍ମୃତି ପ୍ରତି ଶ୍ରଦ୍ଧାଞ୍ଜଳୀ ଅର୍ପଣ କରିବା ସହିତ ତାଙ୍କର ଜୀବନୀ ଓ କାର୍ଯ୍ୟାବଳୀ ସମର୍କରେ ଉପସ୍ଥାପିତ କରୁଛୁ ବୋଲି ପ୍ରକାଶ କରିଥିଲେ । ବାଲ୍ୟ କାଳରୁ ତାଙ୍କ ଜୀବନ କଷ୍ଟମୟ ଓ ଦୁଃଖଦ ଥିଲା । ବାଲ୍ୟକାଳରୁ ପିତା , ମାତାଙ୍କ ବିୟୋଗ ଓ କନିଷ୍ଠ ଭାଇଙ୍କ ଅକାଳ ମୃତ୍ୟୁ ତାଙ୍କୁ ମର୍ମାହତ କରିଥିଲା । ଘଟଣାବଳୀ ସହିତ ତାଙ୍କର ସଂଘର୍ଷ ମୟ ଜୀବନ, ରାଜନୌତିକ ଓ ରାଷ୍ଟ୍ରୀୟତା ଚିନ୍ତାଧାରା ଉପରେ ଆଲୋକପାତ କରିଥିଲେ। କାନପୁରରୁ ଗଣିତରେ ସ୍ନାତକ ଡ଼ିଗ୍ରୀ ହାସଲ କରିବା ପରେ , ମାଇଁଙ୍କ ପ୍ରେରଣାରେ ରାଜ୍ୟ ପ୍ରଶାସନିକ ଅଧିକାରୀ ପଦ ପାଇଁ ପରୀକ୍ଷା ଦେଇ ପ୍ରଥମ ସ୍ଥାନ ପ୍ରାପ୍ତ କରିଥିଲେ ମଧ୍ୟ ଗୋରାମାନଙ୍କର ଗୋଲାମ ନହେବା ପାଇଁ ସଂକଳ୍ପବଦ୍ଧ ଦୀନଦୟାଲ ପ୍ରଶାସନିକ ସେବାରେ ଯୋଗଦେଇ ନଥିଲେ । ଏହି ପ୍ରାରମ୍ଭିକ ଘଟଣାରୁ ତାଙ୍କର ଦେଶ ପ୍ରାଣତା ଓ ସ୍ଵାଧୀନ ଚେତନାର ମହାନ୍ ପରିଚୟ ମିଲିଥିଲା । ସେ ୧୯୩୭ ମସିହାରେ ରାଷ୍ଟ୍ରୀୟ ସ୍ଵୟଂ ସେବକ ସଂଘ ସଂପର୍କରେ ଆସିଥିଲେ ଓ ୧୯୪୨ ମସିହାରେ ଆନୁଷ୍ଠାନିକ ଭାବେ ଯୋଗଦେଇ ପୂର୍ଣ୍ଣକାଳୀନ ପ୍ରଚାରକ ଭାବେ ସଂଘକାର୍ଯ୍ୟରେ ଯୋଗ ଦେଇଥିଲେ । ମାତ୍ର ୩ ବର୍ଷର ଅଭିଜ୍ଞତାରେ ସେ ଉତ୍ତର ପ୍ରଦେଶର ସହ ପ୍ରାନ୍ତ ପ୍ରଚାରକ ଭାବେ ଦାୟିତ୍ୱ ଗ୍ରହଣ କରିଥିଲେ । ୧୯୫୧ ମସିହାରେ ସେ ଭାରତୀୟ ଜନସଂଘ ଦଳର ମହାମନ୍ତ୍ରୀ ପଦରେ ଅଧିଷ୍ଠିତ ହୋଇଥିଲେ । ୧୯୫୫ ମସିହାରେ ଡକ୍ଟର ଶ୍ୟାମାପ୍ରସାଦ ମୁଖାର୍ଜୀଙ୍କ ମୃତ୍ୟୁ ପରେ ସେ ସଭାପତି ଦାୟିତ୍ବ ଗ୍ରହଣ କରିଥିଲେ । ପରିତାପର ବିଷୟ ଯେ ମୋଗଲ ସରାଇ ଷ୍ଟେସନରେ ସେ ଫେବୃୟାରୀ ମାସ ୧୧ ତାରିଖ ୧୯୬୮ ମସିହାରେ ଲକ୍ଷ୍ନୌରୁ ପାଟଣା ଟ୍ରେନରେ ଯାତ୍ରା କରୁଥିବା ବେଳେ ମୋଗଲ ସରାଇ ରେଳ ଧାରଣା ଉପରୁ ତାଙ୍କର ମର ଶରୀର ମିଳିଥିଲା । ତାଙ୍କର ଏହି ଅକାଳ ମୃତ୍ୟୁ କିପରି ହେଲା ତାହା ଏବେବି ରହସ୍ୟାବୃତ୍ତ ହୋଇ ରହିଛି। ସେ ରାଷ୍ଟ୍ର ଧର୍ମ ନାମକ ଏକ ମାସିକ, ପାଞ୍ଚଜନ୍ୟ ନାମକ ଏକ ସାପ୍ତାହିକ ଏବଂ ସ୍ବଦେଶ ନାମକ ଦୈନିକ ସମ୍ବାଦପତ୍ର ପ୍ରକାଶ କରିଥିଲେ । ୩୭୦ ଧାରାକୁ ଉଚ୍ଛେଦ କରିବା ଥିଲା ତାଙ୍କର ରାଷ୍ଟ୍ରୀୟତା ଚିନ୍ତାଧାରା ଯାହାକୁ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀ କାର୍ଯ୍ୟରେ ପରିଣତ କରିଛନ୍ତି ଓ ତାଙ୍କର ପ୍ରଣୀତ ଅନ୍ତୋଦୟ ଓ ଏକାତ୍ମ ମାନବବାଦ ଦର୍ଶନକୁ ଆଧାରକରି ତାଙ୍କର ଚିନ୍ତାଧାରାକୁ କାର୍ଯ୍ୟରେ ପରିଣତି କରିଛନ୍ତି । ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ ଜିଲ୍ଲା ସାଧାରଣ ସମ୍ପାଦକ ଶଶାଙ୍କ ଶେଖର ଜେନା ଓ ଧନ୍ୟବାଦ ଅର୍ପଣ କରିଥିଲେ ଜିଲ୍ଲା ଉପସଭାପତି ସରୋଜ କୁମାର ଦାସ। ଏହି କାର୍ଯ୍ୟକ୍ରମରେ ଜିଲ୍ଲା, ମଣ୍ଡଳ, ଶକ୍ତି କେନ୍ଦ୍ର ଓ ବୁଥ ସ୍ତରୀୟ ବରିଷ୍ଠ କାର୍ଯ୍ୟକର୍ତ୍ତା ଓ କର୍ମୀ ଉପସ୍ଥିତ ଥିଲେ ବୋଲି ଜିଲ୍ଲା ମୁଖପାତ୍ର ଗଙ୍ଗାଧର ଦାଶ ଏକ ପ୍ରେସ ବିବୃତିରେରେ ଜଣାଇଛନ୍ତି।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
