କଣ୍ଟାଝରରେ ବୟସ୍କ ସାକ୍ଷରତା ବିଦ୍ୟାଳୟର ଉଦଘାଟନ
ରାଉରକେଲା: ରାଉରକେଲାର ଦକ୍ଷିଣ କଣ୍ଟାଝରର ସମ୍ପ୍ରଦାୟ କେନ୍ଦ୍ରରେ ବୟସ୍କ ସାକ୍ଷରତା ବିଦ୍ୟାଳୟର ଉଦଘାଟନ ରୋଟାରୀ କ୍ଲବ ଅଫ୍ ରାଉରକେଲା ଭାଇବ୍ରାଣ୍ଟ ଦ୍ୱାରା କରାଯାଇଛି । ଏହି ଅବସରରେ ମୁଖ୍ୟଅତିଥି ଭାବେ ଡିଜିଇ ରୋଟାରିଆନ ଆଲାମ୍ ସିଂହ ରୂପ୍ରା ଯୋଗ ଦେଇଥିଲେ। କ୍ଲବ ସଭାପତି ଡକ୍ଟର ମିନତୀ ପଣ୍ଡା ସ୍ବାଗତ 
ଭାଷଣ ପ୍ରଦାନ କରିଥିଲେ। ସେ ରୋଟାରୀ ଏବଂ କ୍ଲବ ସ୍ତରରେ ଅବହେଳିତଙ୍କ ଉନ୍ନତି ପାଇଁ ସ୍ୱେଚ୍ଛାସେବୀ ସାମାଜିକ ସେବା ବିଷୟରେ କହିଥିଲେ। ପ୍ରୋଜେକ୍ଟ ଅଧ୍ୟକ୍ଷ ରୋଟାରିଆନ ପ୍ରଶାନ୍ତ ରଞ୍ଜନ ପାତ୍ର ପ୍ରକଳ୍ପର ଅବଧି, ପରୀକ୍ଷା ଏବଂ ଆଜିର ଜୀବନରେ ଏହାର ଲାଭ ବିଷୟରେ କହିଥିଲେ। ମୁଖ୍ୟଅତିଥି ରୋଟାରିଆନ ଆଲାମ୍ ଜୀ ଖୁସି ପ୍ରକାଶ କରିବା ସହ କ୍ଲବ କାର୍ଯ୍ୟକଳାପକୁ ପ୍ରଶଂସା କରିଥିଲେ। ସେ ଛାତ୍ରଛାତ୍ରୀମାନଙ୍କୁ ଆର୍ଥିକ ସ୍ୱାଧୀନତା ତଥା ଜୀବିକା ନିର୍ବାହ ପ୍ରକଳ୍ପ ପାଇଁ ଆଶ୍ୱାସନା ଦେଇଥିଲେ। ପ୍ରତ୍ୟେକ ଅଂଶଗ୍ରହଣକାରୀଙ୍କୁ ଗୋଲାପ 
କଡି, ଅଧ୍ୟୟନ ସାମଗ୍ରୀ ଏବଂ ପରିବେଶ ଅନୁକୂଳ କପା ବ୍ୟାଗ ସହିତ ସ୍ୱାଗତ କରାଯାଇଥିଲା। ଅଞ୍ଚଳର ଜଣେ ଶିକ୍ଷିତ ଏବଂ ସ୍ୱେଚ୍ଛାସେବୀ ସମାଜସେବୀ ଲିଲିମା ରାଉତ ଶିକ୍ଷାଦାନ ପାଇଁ ସମ୍ମତି ପ୍ରଦାନ କରିଛନ୍ତି। ପାଠ୍ୟକ୍ରମ ପାଇଁ ତିରିଶ ଜଣ ବୟସ୍କ ଛାତ୍ରଛାତ୍ରୀ ପଞ୍ଜିକରଣ କରିଛନ୍ତି। ଶେଷରେ କ୍ଲବ ସଚିବ ରୋଟାରିଆନ ଡକ୍ଟର କୃଷ୍ଣା ପ୍ରମାଣିକ ଧନ୍ୟବାଦ ଅର୍ପଣ କରିଥିଲେ। ରୋଟାରିଆନ ଅଜିତ ମୋହନ ପୂଜାରୀ କାର୍ଯ୍ୟକ୍ରମକୁ ସୁନ୍ଦର ଭାବରେ ପରିଚାଳନା କରିଥିଲେ। ସମସ୍ତଙ୍କ ମଧ୍ୟରେ ଜଳଖିଆ ବଣ୍ଟନ କରାଯାଇଥିଲା | ଉପସ୍ଥିତ ରୋଟାରିଆନ ଙ୍କ ମଧ୍ୟରେ ଡ ନିବେଦିତା ରୟ ଏବଂ ଅନୀତା ନାୟକ ଉପସ୍ଥିତ ଥିଲେ |
ଅନ୍ୟମାନଙ୍କ ସହ ରମେଶ ମହାଲି, ମାଙ୍ଗି, ଛୋଟୁ କେର୍କେଟା, ଗୈ। ରୀ ମୁଣ୍ଡା, ସୁନୀତା ମହତୋ, ବୁଦ୍ଧନି ଓରାମ, ରାମସିଂ ଭୁମିଜ, ସଞ୍ଜୟ ମହାଲି, କଣ୍ଟାଝରର ଚୁନି ପ୍ରମୁଖ ଏହି ସଭାରେ ଅଂଶଗ୍ରହଣ କରିଥିଲେ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
