ସଂସ୍କାର ଶିଶୁ ମହୋତ୍ସବ “ମୟୂରୀ ” ଥିମ ସଙ୍ଗ ପ୍ରସ୍ତୁତି ଶେଷ
ଆସନ୍ତା ୨୬ରେ ଷ୍ଟାଡିୟମ କନଫରେନ୍ସ ହଲ ରେ ହେବ ଓଡିଓ ରିଲିଜ
ମୟୂରଭଂଜ – ୨୪/୧୦ — ସଂସ୍କାର ଶିଶୁ ମହୋତ୍ସବ “ମୟୂରୀ “କୁ ନେଇ ପ୍ରସ୍ତୁତ ଥିମ ସଙ୍ଗର ଓଡିଓ ରିଲିଜ ଆସନ୍ତା ୨୬ ତାରିଖ ରବିବାର ଅପରାହ୍ନ ସାଢେ ୩ଟା ରେ ସ୍ଥାନୀୟ ଷ୍ଟାଡିୟମ ସମ୍ମିଳନୀ କକ୍ଷରେ ଅନୁଷ୍ଠିତ ହେବ ବୋଲି ସୂଚନା ମିଳିଛି l ଚଳିତ ବର୍ଷ ପ୍ରଥମ ଥର ପାଇଁ କମିଟି ପକ୍ଷରୁ ଏକ ଭିନ୍ନ ସ୍ୱାଦର ଥିମ ସଙ୍ଗ ପ୍ରସ୍ତୁତି ହୋଇଛି l ଏହି ଥିମ ସଙ୍ଗକୁ ଶବ୍ଦର ନିଖୁଣ ତାରକସିରେ ମୟୂରୀର ପ୍ରତିଷ୍ଠାତା ତଥା ଗୀତିକାର ସଞ୍ଜୟ କୁମାର ଚୌଧୁରୀ ସଂରଚନା କରିଥିବା ବେଳେ ଏହାକୁ ସୁନ୍ଦର ଭାବରେ ଦମଦାର ସ୍ୱରରେ ସଂଯୋଜନା କରିଛନ୍ତି ବିଶିଷ୍ଟ ସଂଗୀତ ନିର୍ଦ୍ଦେଶକ ଶାନ୍ତନୁ ସିଂହ l ଟ୍ରାକ ପ୍ରସ୍ତୁତି ସମୟରେ ଡିଗ ତବଲାରେ ଶିଳ୍ପୀ ବିଭୁତି ଭୂଷଣ ବେହେରା, କି ବୋର୍ଡରେ ଶେଖ ସରାଫତୁଲ୍ଲା, ପ୍ୟାଡ଼ରେ ଶେଖ ସଲାମତୁଲ୍ଲା ନିଜର କଳାଚାତୁରୀ ପ୍ରଦର୍ଶନ କରିଥିବା ବେଳେ ରେକର୍ଡିଷ୍ଟ ରାଜା ମିଶ୍ର ଏହାକୁ ରେକର୍ଡ କରିଛନ୍ତି l
ବାରିପଦାର ସ୍ତୁତି ଓଡିଓ ରେ ଗୀତଟିର ରେକର୍ଡିଙ୍ଗ କାର୍ଯ୍ୟ ସୁରୁଖୁରୁରେ ସମ୍ପନ୍ନ ହୋଇଛି l କୁନି କୁନି ପିଲାଙ୍କୁ ନେଇ ପ୍ରସ୍ତୁତ ଏହି ଥିମ ସଙ୍ଗରେ କଣ୍ଠଦାନ କରିଛନ୍ତି କଣ୍ଠ ଶିଳ୍ପୀ ହିମାଦ୍ରୀ ତନୟା ଚୌଧୁରୀ, ଶୁଭମ ମାଇତି, ଆରାଧ୍ୟା ସିଂହ, ତନିଷା ମହାନ୍ତି, ଜାହ୍ନଵୀ ନାୟକ, ଜ୍ୟୋତିରାଦିତ୍ୟ ଜେନା,ଆୟୁକ୍ତା ତ୍ରିପାଠୀ ଏବଂ ସ୍ଥିତ ପ୍ରଜ୍ଞା ଜେନା l ଗୀତଟି ରିଲିଜ ମାତ୍ରେ ଶ୍ରୋତା ମହଲ ରେ ବେଶ ଆଦୃତ ହୋଇ ଚହଳ ସୃଷ୍ଟି କରିବ ବୋଲି ପ୍ରଯୋଜନା ସଂସ୍ଥା ପକ୍ଷରୁ ଦାବି କରା ଯାଇଛି l ଗୀତଟି ରିଲିଜ ହେବା କ୍ଷଣି ମୟୂରୀ ୟୁ ଟ୍ୟୁବ ଚାନେଲ ଯୋଗେ ଦର୍ଶକ ଦେଖିବା ସହ ଏହାକୁ ଶୁଣି ପାରିବେ l
ଏଠାରେ ଉଲ୍ଲେଖ ଯୋଗ୍ୟ ଚଳିତ ବର୍ଷ ସଂସ୍କାର ଶିଶୁ ମହୋତ୍ସବ “ମୟୂରୀ ” ଆସନ୍ତା ନଭେମ୍ବର ମାସ ୧୩ ରୁ ୧୬ ତାରିଖ ଯାଏଁ ଚାରିଦିନ ଧରି ବାରିପଦା ସହିଦ ସ୍ମୃତି ଭବନ ନିକଟ ଶିଶୁ ଉଦ୍ୟାନ ପରିସରରେ ହେବ ବୋଲି ସ୍ଥିରୀକୃତ ହୋଇଛି l ଏଥିପାଇଁ ଆସନ୍ତା ନଭେମ୍ବର ୧ ତାରିଖ ଠାରୁ ମ୍ୟୁନିସି ପାଲଟି ଗେଷ୍ଟ ହାଉସ ଠାରେ ପଞ୍ଜିକରଣ ଆରମ୍ଭ ହେବ l ଏଥର ପିଲାଙ୍କ ପାଇଁ ଅନେକ କିଛି ନୂଆ ନୂଆ କାର୍ଯ୍ୟକ୍ରମ ଭେଟିଦେବାକୁ ମହୋତ୍ସବ କମିଟି ପକ୍ଷରୁ ସ୍ଥିର ହୋଇଥିବା ବେଳେ ମହୋତ୍ସବରେ ଭାଗ ନେବାକୁ ଚାଁହୁଥିବା ପ୍ରତ୍ୟେକ ପ୍ରତିଯୋଗୀ ପଞ୍ଜିକରଣ କରିବା ଅନିର୍ଵାର୍ଯ୍ୟ ବୋଲି ସୂଚନା ଦିଆ ଯାଇଛି l
ମୟୂରଭଂଜ ରୁ ଅକ୍ଷୟ ବିଶ୍ବାଳ ମସିହା ନିଉଜ
