ଜୀବନ ଯୁଦ୍ଧରେ ହାରିଗଲେ ଯୁବ ସାମ୍ବାଦିକ
ଖଇରା,୨୯/୧୦/୨୫- ଜଣେ କର୍ତ୍ତବ୍ୟ ଓ କାର୍ଯ୍ୟରତ ଯୁବ ସାମ୍ବାଦିକଙ୍କ ବିୟୋଗ ସମସ୍ତଙ୍କୁ ଦୁଃଖ ଦେଇଛି । ଏତିକି ଏକ ଘଟଣା ଘଟି ଯାଇଛି ବାଲେଶ୍ଵର ଜିଲ୍ଲା ଖଇରା ବ୍ଲକରେ । ଉକ୍ତ ବ୍ଲକ ବାସିନ୍ଦିପୁର ଗ୍ରାମର କିଶୋର ବେହେରା ଦୀର୍ଘଦିନ ହେବ ସାମ୍ବାଦିକତା କରୁଥିଲେ । ଗତ କିଛି ବର୍ଷ ହେବ କିଡନୀ ରୋଗରେ ପୀଡ଼ିତ ଥାଇ ମଧ୍ୟ ନିଜର ସାମ୍ବାଦିକତା କର୍ମ ବଜାୟ ରଖିଥିଲେ । ସେ ଜଣେ ସରଳ, ନୀରିହ, ସଚ୍ଚୋଟ, ମିଷ୍ଟଭାଷୀ, ମେଳାପୀ, ସେହ୍ନୀ, ପରୋପକାରୀ ଓ କାର୍ଯ୍ୟଦକ୍ଷ ସାମ୍ବାଦିକ ଥିଲେ । ବ୍ଲକ ଓ ଜିଲ୍ଲା ରିପୋର୍ଟର ଭାବେ ସୁନାମ ଥିଲା । ଅସୁସ୍ଥତା ହେତୁ ସୋର ମେଡିକାଲରେ ଡାଇଲିସିସ୍ ଚିକିତ୍ସା ଜାରି ରହିଥିଲା । ଗତକାଲି ହଠାତ୍ ତାଙ୍କ ମୃତ୍ୟୁ ଖବରପାଇ ସାମ୍ବାଦିକ ବନ୍ଧୁ ମାନଙ୍କ ମଧ୍ୟରେ ଦୁଃଖର ବାତାବରଣ ଖେଳିଯାଇଥିଲା । ମୃତ୍ୟୁ ବେଳକୁ ତାଙ୍କୁ ୪୫ ବର୍ଷ ବୟସ ହୋଇଥିଲା । ଖଇରା, ଔପଦା, ସୋର, ସିମୁଳିଆ ଏବଂ ଅନ୍ୟାନ୍ୟ ସାମ୍ବାଦିକ ବନ୍ଧୁ ମାନେ ଶ୍ରୀ ବେହେରାଙ୍କ ମୃତ୍ୟୁ ଖବର ଶୁଣି ସୋର ମେଡିକାଲରେ ପହଞ୍ଚି ଶେଷ ଦର୍ଶନ କରିଥିଲେ । ବଞ୍ଚିବା ପାଇଁ ଅନେକ ସଂଗ୍ରାମ କରିଥିଲେ ହେଲେ ପାରିଲେ ନାହିଁ ବଞ୍ଚି । ବହୁ ଲୋକ ସାହାଯ୍ୟ କରିଥିଲେ ହେଲେ ବଞ୍ଚି ପାରିଲେ ନାହିଁ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
