ସରସ୍ଵତୀ ଶିଶୁ ଜ୍ଞାନ ମନ୍ଦିରରେ ଅଭିଭାବକ/ଅଭିଭାବିକା ସମ୍ମିଳନୀ ଦ୍ୱିତୀୟ ପର୍ଯ୍ୟାୟ ଅନୁଷ୍ଠିତ
ନବରଙ୍ଗପୁର:(ଅଦ୍ୟ ତା ୦୧/୧୧/୨୦୨୫ ରିଖ)(ମ.ନି,ସ) ଶନିବାର ଦିନ ମେଦ୍ରୀସାହି ସ୍ଥିତ ସରସ୍ବତୀ ଶିଶୁ ଜ୍ଞାନ ମନ୍ଦିରରେ ଅଭିଭାବକ/ଅଭିଭାବିକା ସମ୍ମିଳନୀ ଅନୁଷ୍ଠିତ ହୋଇଥିଲା | ଏହି ସମ୍ମିଳନୀରେ ଶ୍ରେଣୀ – ଦ୍ଵିତୀୟ , ତୃତୀୟ , ଚତୁର୍ଥ ଶ୍ରେଣୀର ଅଭିଭାବକ/ଅଭିଭାଵିକା ବହୁ ସଂଖ୍ୟା ରେ ଯୋଗ ଦେଇଥିଲେ | ପ୍ରଥମ ପର୍ଯ୍ୟାୟରେ ମାସିକ ଗୀତ, ଧୂନ୍, ସରସ୍ଵତୀ ଙ୍କ ପ୍ରାର୍ଥନା ଗାଇଥିଲେ ଏବଂ ଶ୍ରୀମତୀ ନିହାରିକା ଦୀପ୍ ଦୀପ ପ୍ରଜ୍ବଳନ କରି କାର୍ଯ୍ୟକ୍ରମକୁ ଆଗେଇ ନେଇଥିଲେ | ଉକ୍ତ ସମ୍ମିଳନୀ କୁ ପ୍ରଧାନ ଗୁରୁଜୀ ଶ୍ରୀ ରବି ଶଙ୍କର ସାହୁ ସର୍ବ ପ୍ରଥମେ ଅଭିଭାବକ/ ଅଭିଭାବିକା ଙ୍କୁ ସ୍ଵାଗତ ଜଣାଇଥିଲେ | ପରେ ପରେ ଅଭିଭାବକ/ ଅଭିଭାବିକା ଙ୍କୁ ଶିଶୁ ମାନଙ୍କ ଉଦ୍ଧେଶ୍ୟରେ ମତବ୍ୟକ୍ତ କରିଥିଲେ | ବିଷୟ ପ୍ରସଙ୍ଗରେ କହିଲେ ଯେ – ଆଜିକାଲି ର ପିଲାମାନେ ବାପାମାଆ ଙ୍କ କଥା ମାନନ୍ତି ନାହିଁ | ମୋବାଇଲ୍ ବ୍ୟବହାର ବହୁଳ ଭାବରେ କରୁଛନ୍ତି | ଶିଶୁର ସକାଳ ଉଠିବା ଠାରୁ ରାତି ଶୋଇବା ପର୍ଯ୍ୟନ୍ତ ପିଲାମାନଙ୍କର ପ୍ରତ୍ୟେକ କଥା କୁ ଧ୍ୟାନ ଦେବାକୁ କହିଥିଲେ | ପିଲାମାନଙ୍କ ଭିତରେ ସଂସ୍କାର ଓ ଶୃଙ୍ଖଳା ରହିବା ଦରକାର | ଗୁରୁଜନ ମାନଙ୍କୁ ସମ୍ମାନ ଦେବା ଓ ପ୍ରଣାମ କରିବା ଯାହାଦ୍ଵାରା ଆମ ପିଲା ମାନଙ୍କ ଉପରେ ଭଲ ପ୍ରଭାବ ପଡ଼ିବ | ବିଦ୍ୟାଳୟରୁ ପିଲାମାନେ ଘରକୁ ଫେରିଲେ ପିଲାମାନଙ୍କ ସହିତ ଭଲମନ୍ଦ କଥାବାର୍ତ୍ତା କରିବା | ବାପାମାଆ ପିଲାମାନଙ୍କ ପାଇଁ ଯୋଜନା କରିବା ଦରକାର | ବାପାମାଆ ନିକ ପିଲା ମାନଙ୍କୁ ଆଦର୍ଶ କରିବାକୁ ହେଲେ ନିଜେ ମଧ୍ୟ ଆଦର୍ଶ ବାପାମାଆ ହେବା ଦରକାର ତାହା ଦ୍ଵାରା ପିଲାମାନଙ୍କ ଉପରେ ପ୍ରଭାବ ପଡ଼ିବ ଏବଂ ପିଲାମାନଙ୍କୁ ପ୍ରତିଦିନ ବିଦ୍ୟାଳୟକୁ ପଠାଇବାକୁ ମଧ୍ୟ କହିଥିଲେ | ଶେଷରେ ଜ୍ୟୋତି ହରିଜନ ଧନ୍ୟବାଦ ଅର୍ପଣ କରିଥିଲେ | ଏହି ସଭାରେ ଜ୍ୟୋତି, ମିନାକ୍ଷୀ, କବିତା, ସୁନୀତା,ସୁମିତା, ଅନୁ, ର|ଜେଶ୍ୱରୀ, ଗୀତା, ଶୁଭଶ୍ରୀ,ଚଞ୍ଚଳା, ସୁଦୀପ୍ତା, ବ୍ରଜ କିଶୋର, ମନ ମୋହନ ଇତ୍ୟାଦି ଗୁରୁଜୀ ଗୁରୁମା ସହଯୋଗ କରିଥିଲେ | ଏହି ସଭା କୁ ପରିଚାଳନା କରିଥିଲେ ଶ୍ରୀ ରବି ଶଙ୍କର ସାହୁ |
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
