ଅସତୀ ତୁଳସୀ ସତୀ ଚଉରା ମଞ୍ଚସ୍ଥ
ରାଉରକେଲା: ସାଂସାରିକ ମାୟା ବନ୍ଧନ ରେ ସମସ୍ତ ଜୀବ ବନ୍ଧା । ସମୟ ପରିସ୍ଥିତି ର ଦାସ, ପରିବାର ମଧ୍ୟରେ ରହି ପରିବାର ର ପ୍ରତି ସହାଭାଗିତା ହେବା ସମସ୍ତ ମଣିଷର ଦାୟିତ୍। ସେମିତି ଏକ ପରିବାର ହେଉ ହେଉଛି ଈଶ୍ୱର ମହାପାତ୍ର ଏବଂ ତାଙ୍କ ସ୍ତ୍ରୀ.. ନିଜର ପେଟକୁ କାଟି ବନ୍ଧ୍ୟା ହୋଇ ନିଜର ବଡ ଭାଇ ଙ୍କର ଦୁଇ ଝିଅ ଓ ପୁଅ କୁ ପାଳିପୋଷି ବଡକରିଥାନ୍ତି ।ମଝିଆ ଝିଅ ତୁଳସୀ ସାନ ଭାଇ ର ଡାକ୍ତରୀ ପଢା ଖର୍ଚ୍ଚ ଓ ବଡ ଭଉଣୀ ବାହାଘର ପାଇଁ ନିଜେ ଏକ ବେଶ୍ୟା କୋଠି ମାଲିକ ପାଖରେ ବିକ୍ରି ହୋଇଗଲା । ସେହିଠାରୁ ଆରମ୍ଭ ହେଲା ତୁଳସୀ ର ଦୁଃଖ 
ଭରା କାହାଣୀ । ନିଜେ ଜାଳି ଶେଷରେ ପରିବାର ପ୍ରତି ଏକ ତ୍ୟାଗ ର ଉଦାହରଣ ସାଜି ଥିଲା । ନିଜେ ସତୀ ଚଉଁରା ହୋଇ ମଧ୍ୟ ସମାଜ ଆଖିରେ ତୁଳସୀ ଅସତୀ । ଏହାଥିଲା ନାଟକ ” ଅସତୀ ତୁଳସୀ ସତୀ ଚଉରା ” ର କାହାଣୀ । କାହାଣୀ ର ଜୀବନ୍ତ ନାଟକକୁ ବହୁ ଦର୍ଶକ ମନଭରି ଉପଭୋଗ କରିଥିଲେ ।
ଉଦଯାପାନୀ ସନ୍ଧ୍ୟାରେ ମୁଖ୍ୟ ଅତିଥି ବିଧାୟକ ସାରଦା ପ୍ରସାଦ ନାୟକ, ଅତିଥି ରାଜୀବ ପାଣି ଏବଂ ବାର ସଙ୍ଘ ସଭ୍ୟ ମହେଶ୍ୱର ପୂରଣ ପ୍ରମୁଖ ଉପସ୍ଥିତ ଥିଲେ । ଏହି ସନ୍ଧ୍ୟାରେ ଗୟାଧର ନାଥ ଙ୍କୁ ଶ୍ରୀକୃଷ୍ଣ ସାଂସ୍କୃତିକ ସମ୍ମାନ ଏବଂ ଅଜୟ ପାଣି ଓ ଅନ୍ତରାୟମି ପରିଡା ଙ୍କୁ ” ଶ୍ରୀକୃଷ୍ଣ ମୁକ୍ତମଞ୍ଚ ସମ୍ମାନ ରେ ସମ୍ମାନିତ କରାଯାଇଥିଲା । ପ୍ରଥମେ ସ୍ୱାଗତ ଭାଷଣ ଅନୁଷ୍ଠାନର ସଭାପତି ପ୍ରଦୀପ କୁମାର ନାୟକ ଦେଇଥିବା ବେଳେ ଆଲୋକ ବୋଷ, ଚନ୍ଦ୍ରମଣି ମାଝୀ, ଭାରତ ସେଠି, ସଂଜୀବ ଚାନ୍ଦ, ନାଟ୍ୟ ନିର୍ଦ୍ଦେଶକ ସୁରେନ୍ଦ୍ର ପାଢ଼ୀ ଉପସ୍ଥିତ ଥିଲେ । ସମସ୍ତ କଳାକାର ଓ ବାଦ୍ୟ ଯନ୍ତ୍ର ଶିଳ୍ପୀ ଙ୍କୁ ମଞ୍ଚରେ ସମ୍ମାନିତ କରାଯାଇଥିଲା ।ଶେଷରେ ଆରଜେ ପ୍ରବୀର ଜେନା ଙ୍କ ମଞ୍ଚ ସଂଚଳନାରେ ଯାତ୍ରା ପ୍ରେମୀ ବିଭୋର ହୋଇ ଥିଲେ ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
