୨ ମୋଟରସାଇକଲ ମୁହାଁ ମୁହିଁ ଧକ୍କା ୩ ଆହାତ ୧ ଗୁରୁତର
ଡାବୁଗାଁ, ୧/୧୨ (ମ.ନି.ସ.)- ନବରଙ୍ଗପୁର ଜିଲ୍ଲା ଡାବୁଗାଁ ଥାନା ଅଧିନ ମହେନ୍ଦ୍ରୀ ଛକ ନିକଟରେ ରାଜ୍ୟରାଜପଥ – ୩୯ ଉପରେ ସୋମବାର ଅପରାହ୍ନ ସମୟରେ ୨ ଟି ମୋଟରସାଇକଲ ମୁହାଁ ମୁହିଁ ଧକ୍କା ହେବା ଫଳରେ ୩ ଜଣ ଆହାତ ଓ ଜଣେ ଗୁରୁତର ହୋଇଛନ୍ତି । ସୁଚନାଯୋଗ୍ୟ:- ଡାବୁଗାଁ ଥାନା ଅଧିନ କେନ୍ଦୁଗୁଡ଼ା ଗ୍ରାମର ମଦନ ସିଂ ବିନ୍ଧାଣି , ସନମତି ବିନ୍ଧାଣି ଓ ତୁଲାରାମ ବିନ୍ଧାଣି ଏକ ମୋଟରସାଇକଲ ନଂ ଓ ଡି ୨୪ଏଫ୍ ୫୩୩୪ ଯୋଗେ ଡାବୁଗାଁ ଥାନା ଅଧିନ ବାଣୁଆଗୁଡା ଗ୍ରାମରୁ ବାହାରି ନିଜ ଘର କେନ୍ଦୁଗୁଡା କୁ ଯାଇଥିବା ସମୟରେ ବିପରୀତ ଦିଗରୁ ଅନ୍ୟ ଏକ ମୋଟସାଇକଲ ନଂ ଓଡ଼ି ୨୪ଏଫ୍ ୧୨୬୩ ଯୋଗେ ଯାଉଥିବା ମାହେନ୍ଦ୍ରୀ ଗ୍ରାମର ଧରମୁ ଗୌଡ ଓ ବଦର ଲହରା ମହେନ୍ଦ୍ରି ଛକ ନିକଟରେ ମୁହାଁ ମୁହିଁ ଧକ୍କା ହୋଇଥିଲେ । ଫଳରେ ୨ ଗାଡ଼ି ରାସ୍ତା କଡ଼କୁ ଛିଟିକି ପଡ଼ିଥିଲା ଯାହା ଫଳରେ ୫ଜଣ ଆହାତ ହୋଇଥିଲେ । କିନ୍ତୁ ଘଟଣା ସ୍ଥଳରୁ ତୁଳାରାମ ଲୁଚି ପଳାଇଥିଲେ । ପରେ ସେମାନଙ୍କୁ ଡାବୁଗାଁ ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ର କୁ ଅଣାଯାଇଥିଲା । ସେଠାରେ ମଦନଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ନବରଙ୍ଗପୁର ଜିଲା ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତରିତ କରାଯାଇଛି । ଖବରପାଇ ଘଟଣା ସ୍ଥଳରେ ଡାବୁଗାଁ ପୋଲିସ ପହଞ୍ଚି ୨ଟି ମୋଟରସାଇକଲ କୁ ଜବତ କରି ତଦନ୍ତ ଚଳାଇଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
