ମାଆ
ପ୍ରଶାନ୍ତ କୁମାର ନାଥ
ମାଆ ସୁଦ୍ଧ ପୂତ ନିର୍ମଳ ହୃଦୟ
ସନ୍ତାନ ମଙ୍ଗଳ ଗୀତ
ସନ୍ତାନ ଜୀବନେ ସାରଥୀ ସାଜଇ
ପ୍ରତି କ୍ଷଣେ ହୋଇ ମିତ।
ମମତାର ସୁଧା ସତେ ମଧୁଝରା
ଅମୃତ ଠାରୁ ସେ ମିଠା
ତା ପଣତ କାନି ସୁରକ୍ଷା କବଚ
ସନ୍ତାନର ଶୀରି ମଠା।
ବାତ୍ସଲ୍ୟ ମମତା ଗାଳି ଅବା ଵୋଲି
ଲାଗଇ ଚନ୍ଦନ ଵୋଳି
ତା ଛୁଆଁରେ ଦୁଃଖ ଯାଏ ଦୂର ହେଇ
ବସନ୍ତର ଋତୁ ଭଳି।
ଅମାପ ଧୈର୍ଯ୍ୟର ମୂର୍ତ୍ତି ମନ୍ତ ଦେଵୀ
ଜୀଵନ୍ତ ପ୍ରତିମା ଏହି
ଆକଣ୍ଠ ଚିତ୍ତରେ ଦିଅଇ ଆଶିଷ
ହସ୍ତ ପ୍ରସାରିଣ ସେହି।
ମାଟିଠୁ ଆକାଶ ସଵୁଠି ଅସ୍ତିତ୍ବ
ମାଆ ଵିନା ଗତି ନାହିଁ
ମାଆ ଵିନା ଏଠି କିଏ ଵା ଜନ୍ମିଛି
ଏ ମହୀ ମଣ୍ଡଳ ପାଇଁ।
ତା ଚରଣେ କୋଟି ପ୍ରଣିପାତ ମୋର
ଜନ୍ମଧାତ୍ରୀ ମାଆ ପାଇଁ
ତା କୋଳରେ ସଦା ନେଉଥାଏ ଜନ୍ମ
ଜନ୍ମ ଜନ୍ମାନ୍ତର ପାଇଁ।।
ପ୍ରଶାନ୍ତ କୁମାର ନାଥ
ଜୁଣଗଡି (ରାଜନଗର) କେନ୍ଦ୍ରାପଡ଼ା।
