ଆସୁଅଛି ନୂଆ ଓଡ଼ିଆ ଚଳଚ୍ଚିତ୍ର ‘ଲଙ୍କାଗଡ’
ଭୁବନେଶ୍ୱର: ଉପକୂଳ ଅଞ୍ଚଳର ଜଣେ ଯୁବକ ଶିକ୍ଷା ନିଯୁକ୍ତି ପାଇଁ ମାଓବାଦୀ ପ୍ରବଣ ଅଞ୍ଚଳକୁ ଯାଆନ୍ତି। ସେଠାରେ ସେ ଯେଉଁ ପରିବେଶ ଦେଇ ଗତି କରୁଛନ୍ତି ଓ ସଂଘର୍ଷ କରୁଛନ୍ତି ତାହା କାହାଣୀରେ ରୂପାୟିତ ହୋଇଛି ଓ ବଡ଼ ପରଦାକୁ ନେଇକି ଆସୁଛନ୍ତି ଲଙ୍କାଗଡ ସିନେମାରେ ମୁଖ୍ୟ ଅଭିନେତା ଓ ସିନେମା ର ପ୍ରୋଯୋଜକ ରମେଶ ନାୟକ(ରାବଣ)। ରମେଶ ଆଗରୁ ଓଡ଼ିଆ ତିନୋଟି ବାଓଡ଼ିଆ ଚଳଚ୍ଚିତ୍ର ରେ ଓଡ଼ିଆ ସିନେମା ଇଣ୍ଡଷ୍ଟ୍ରିରେ କାମ କରିସାରିଛନ୍ତି ହେଲେ ଏହି ସିନେମା ତାଙ୍କ ନିଜ ବ୍ୟାନର୍ ଏସ୍.ଡି ପ୍ରଡକ୍ସନ ରେ ନିର୍ମାଣ ହୋଇଥିବା ଓ ନିଜେ ରମେଶ ପ୍ରଯୋଜକ ଓ ମୁଖ୍ୟ ଅଭିନେତା ଭାବେ ଦର୍ଶକଙ୍କ ସାମ୍ନାକୁ ବଡ ପରଦାକୁ ଆସିବେ ଏକ ନିଆରା ମାଓବାଦୀ ଚରିତ୍ର ଭୂମିକାରେ । ଏଥିରେ ନବାଗତ ନାୟକ ଶୁଭେନ୍ଦୁ ନାୟକ ପ୍ରଥମଥର ପାଇଁ ବଡ ପରଦାକୁ ଆସିବାକୁ ଯାଉଛନ୍ତି ଓ ତାଙ୍କ ବିପକ୍ଷରେ ନାୟିକା ଭୂମିକାରେ ଅଛନ୍ତି ନେହା ପାଣିଗ୍ରାହୀ ଓ ଦିପାସା ମାୟେଟି । ଲଙ୍କାଗଡ ସିନେମାର ସମ୍ପୁର୍ଣ୍ଣ ଚଳଚ୍ଚିତ୍ରର ସୁଟିଂ ଭବାନୀପାଟଣା ରେ ଶେଷ ହୋଇଥିବାବେଳେ ଏବେ ଏହାର ଏଡିଟିଙ୍ଗ କାମ ବ ସମ୍ପୁର୍ଣ୍ଣ ହୋଇସରିଛି ଯାହା ସୂତ୍ରରୁ ଜଣା ପଡ଼ିଛି । ଏହି ଚଳଚ୍ଚିତ୍ରରେ ହରିହର ମହାପତ୍ର , ରମେଶ ନାୟକ ଓ ପ୍ରଦୀପ ଦେବତା ଗୁରୁତ୍ୱପୂର୍ଣ୍ଣ ଚରିତ୍ରରେ ଅଭିନୟ କରୁଥିବେଳେ କିଛି ନୂଆ ପୁରୁଣା ପ୍ରମୁଖ ଚରିତ୍ର କୁ ମଧ୍ୟ ପ୍ରଥମଥର ଦେଖିବାକୁ ପାଇବେ ଦର୍ଶକ ବଡପରଦାରେ। ଏହାର ଚିତ୍ରନାଟ୍ୟ ଓ ନିର୍ଦ୍ଦେଶନା ରେ ଆନନ୍ଦ କୁମାର ଥିବାବେଳେ ସଂଳାପ ଲେଖିଛନ୍ତି ଆଶୁତୋଷ ବାରିକ। ବିଷ୍ଣୁମୋହନ କବି ଓ ସର୍ବେଶ୍ଵର ଭୋଇ ଏହାର ସଙ୍ଗୀତକାର ଏବଂ ଗୀତ ରଚନା କରିଛନ୍ତି ସର୍ବେଶ୍ଵର ଭୋଇ, ଜିତେନ୍ଦ୍ର ଶେଠ୍ ଓ ଡକ୍ଟର ନିର୍ମଳ ନାୟକ। ସୂଚନାଯୋଗ୍ୟ ଅନୁଯାଇ ଆନନ୍ଦ କୁମାରଙ୍କ ନିର୍ଦ୍ଦେଶିତ ‘ ଅପେକ୍ଷା ‘ ଓ ‘ କେମିତି ପ୍ରେମ ‘ ଦୁଇଟି ସିନେମା ମୁକ୍ତି ପ୍ରତୀକ୍ଷାରେ ରହିଛି।
ଅମୃତ ନନ୍ଦ ଙ୍କ ରିପୋର୍ଟ୍
