ଆଦିତ୍ୟ ଆଲୁମିନା ରିଫାଇନେରୀ ରେ ୭୭ତମ ସାଧାରଣତନ୍ତ୍ର ଦିବସ ପାଳନ
କାଶୀପୁର ରୁ ବୈକୁଣ୍ଠ ଦୁରିଆ -ଆଦିତ୍ୟ ଆଲୁମିନା ରିଫାଇନେରୀ ସ୍ଥାନୀୟ ସମୁଦାୟ ସହ ମିଳିତ ଭାବେ ଭାରତର ୭୭ତମ ସାଧାରଣତନ୍ତ୍ର ଦିବସକୁ ଅତ୍ୟନ୍ତ ଉତ୍ସାହ ଓ ଦେଶପ୍ରେମର ଭାବନା ସହ ପାଳନ କରିଛି। ଏହି କାର୍ଯ୍ୟକ୍ରମରେ କର୍ମଚାରୀ, ସ୍ଥାନୀୟ ଲୋକମାନେ ଓ ବିଦ୍ୟାଳୟ ଛାତ୍ରଛାତ୍ରୀମାନଙ୍କ ସକ୍ରିୟ ଅଂଶଗ୍ରହଣ ଦେଖିବାକୁ ମିଳିଥିଲା, ଯାହା ଏକତା ଓ ଜାତୀୟ ଗର୍ବର ପ୍ରତୀକ ଥିଲା।
ଏହି ଉତ୍ସବରେ ନିକଟସ୍ଥ ଗ୍ରାମଗୁଡ଼ିକର ପ୍ରାୟ ୫୦୦ ଜଣ ବିଦ୍ୟାଳୟ ଛାତ୍ରଛାତ୍ରୀ ଯୋଗଦେଇଥିଲେ ଓ ପ୍ରାୟ ୧,୫୦୦ ଜଣ ଦର୍ଶକ କାର୍ଯ୍ୟକ୍ରମକୁ ସାକ୍ଷୀ ହୋଇଥିଲେ। ଆଦିତ୍ୟ ଆଲୁମିନା ରିଫାଇନେରୀର ୟୁନିଟ୍ ହେଡ୍ ଏବଂ ପ୍ରେସିଡେଣ୍ଟ ଶ୍ରୀ ମଜହର ବେଗଙ୍କ ଦ୍ୱାରା ଜାତୀୟ ପତାକା ଉତ୍ତୋଳନ କରାଯାଇ, ପରେ ଜାତୀୟ ସଙ୍ଗୀତ ପରିବେଶନ ହୋଇଥିଲା।
ଏହି ଅବସରରେ ଏକ ବର୍ଣ୍ଣିଳ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୋଇଥିଲା, ଯେଉଁଠାରେ ଛାତ୍ରଛାତ୍ରୀମାନେ ଦେଶଭକ୍ତିମୟ ଗୀତ, ନୃତ୍ୟ ଓ ନାଟ୍ୟ ପରିବେଶନ କରି ଭାରତର ସଂସ୍କୃତିକ ଐତିହ୍ୟ ସହ ସ୍ୱାଧୀନତା, ଏକତା ଓ ଲୋକତନ୍ତ୍ରର ମୂଲ୍ୟବୋଧକୁ ପ୍ରଦର୍ଶନ କରିଥିଲେ। ଏହି ପରିବେଶନଗୁଡ଼ିକୁ ଦର୍ଶକମାନେ ଭୁରିଭୁରି ପ୍ରଶଂସା କରିଥିଲେ।
ଏହି ଅବସରରେ ସୁରକ୍ଷା କ୍ଷେତ୍ର ଓ ସମୁଦାୟ ସେବାରେ ଅବଦାନ ରଖିଥିବା କର୍ମୀମାନଙ୍କୁ ସମ୍ମାନିତ କରାଯାଇଥିଲା।ଆଦିତ୍ୟ ଆଲୁମିନା ରିଫାଇନେରୀ ସ୍ଥାନୀୟ ସମୁଦାୟ ସହ ସମ୍ପର୍କକୁ ଆହୁରି ସୁଦୃଢ଼ କରିବା ସହ ଅନ୍ତର୍ଭୁକ୍ତିମୂଳକ ବିକାଶ, ସାମାଜିକ ଦାୟିତ୍ୱ ଓ ଜାତୀୟ ମୂଲ୍ୟବୋଧ ପ୍ରତି ନିଜର ପ୍ରତିବଦ୍ଧତାକୁ ପୁନରୁଚ୍ଚାରଣ କରିଥିବା କଥା ୟୁନିଟ୍ ହେଡ୍ ଏବଂ ପ୍ରେସିଡେଣ୍ଟ ଶ୍ରୀ ମଜହର ବେଗ ପ୍ରକାଶ କରିଛନ୍ତି।
