ବ୍ରହ୍ମପୁର ବିଶ୍ବବିଦ୍ୟାଳୟରେ ନିମ୍ନମାନର ଖାଦ୍ୟକୁ ନେଇ ଛାତ୍ରଙ୍କ ମଧ୍ଯରେ ଅସନ୍ତୋଷ
ବ୍ରହ୍ମପୁର,ତା ୨୭/୦୪ ଦକ୍ଷିଣ ଓଡ଼ିଶାର ଶିକ୍ଷାର ପ୍ରାଣକେନ୍ଦ୍ର ବ୍ରହ୍ମପୁର ବିଶ୍ବବିଦ୍ୟାଳୟ ଦିନକୁ ଦିନ କଳୁଷିତ ହେବାରେ ଲାଗିଛି । ଛାତ୍ରଛାତ୍ରୀମାନଙ୍କୁ ସୁବିଧାସୁଯୋଗ ଯୋଗାଇଦେବା ପାଇଁ ସରକାରଙ୍କ ପକ୍ଷରୁ ଶହ ଶହ କୋଟି ଖର୍ଚ୍ଚ କରାଯାଉଥିବା ବେଳେ ଏଠି ସୁବିଧା ବଦଳରେ ତାହାର ବ୍ଯତିକ୍ରମ ଦେଖିବାକୁ ମିଳୁଛି । ହଷ୍ଟେଲର ଅସ୍ବାସ୍ଥ୍ୟକର ନିମ୍ନମାନ ଖାଦ୍ୟ ବର୍ତ୍ତମାନ ଛାତ୍ରଛାତ୍ରୀଙ୍କ ଇଛାନଥିଲେ ମଧ୍ଯ ୪୦ ଗୋଟି ମିଲ ଖାଇବାକୁ ବାଧ୍ଯ କରାଯାଉଛି । ଏହାକୁ ନେଇ ବିଭିନ୍ନ ସମୟରେ କୁଳପତି ଓ ୱାଡେନଙ୍କ ପାଖେ ଅଭିଯୋଗ ହୋଇଥିଲେ ବି ଛାତ୍ରଙ୍କ କଥାକୁ ସମସ୍ଯାକୁ କେହି କର୍ଣ୍ଣପାତ କରୁନାହାନ୍ତି । ଆଲୋଚନା ଯେ ଗଣଯୋଗାଯୋଗ ବିଭାଗର ଡ. ଗଣେଶ ସେଠୀ ଯେଉଁଦିନ ଠାରୁ ହଷ୍ଟେଲ ଦାୟୀତ୍ବ ଗ୍ରହଣ କରିଛନ୍ତି । ତାପର ଠାରୁ ହଷ୍ଟେଲର ଖାଦ୍ୟ ଅତି ନିମ୍ନମାନକୁ ଚାଲିଯାଇଛି । ଛାତ୍ର ନେତା ଇଜୁ ଅମିନ ଖାନ କହନ୍ତି ଯେ ‘ ଛାତ୍ରଛାତ୍ରୀମାନେ ଅନେକ ଥର ଲିଖିତ ଅଭିଯୋଗ କରିଥିଲେ ମଧ୍ଯ ଆଜିଯାଏଁ ହଷ୍ଟେଲ ଖାଦ୍ୟର କୌଣସିପ୍ରକାର ମାନ ପରିବର୍ତ୍ତନ ହୋଇପାରିନି ବରଂ ଦିନକୁ ଦିନ ଆଉରି ଖରାପ ସ୍ଥିତିକୁ ଗତି କରୁଛି । ଯାହାଫଳରେ ଛାତ୍ରଛାତ୍ରୀ ଅନୁଭବ କରୁଛନ୍ତି, ଯେ’ ଯେତେ ଅଭିଯୋଗ କଲେ ମଧ୍ଯ ଖାଦ୍ୟର ମାନରେ କୌଣସିପ୍ରକାର ପ୍ରଭାବ ପକାଉନାହିଁ , ୱାଡେନ ଡ.ଗଣେଷ ସେଠୀ ଓ ହଷ୍ଟେଲ ମେଷ ଚାଳକଙ୍କ ମଧ୍ଯରେ ଏକପ୍ରକାର ମଧୁଚନ୍ଦ୍ରିକା ଚାଲିଥିବା ନେଇ ଚର୍ଚ୍ଚା କରାଯାଉଛି । ଯାହା ଫଳରେ ହଷ୍ଟେଲର ଖାଦ୍ୟର ମାନ ଦିନକୁ ଦିନ ନିମ୍ନମାନର ହେବାର ଲାଗିଛି । ଶିକ୍ଷାବିତ ମାନଙ୍କ ପକ୍ଷରୁ ଦାବି ଯେ ଜିଲ୍ଲାପ୍ରଶାସନ ପକ୍ଷରୁ ଏହା ଉପରେ ନିହାତି ନଜର ରଖିବା ସହ ବିଭିନ୍ନ ସମୟରେ ମେଷ ପରିଦର୍ଶନର ଆବଶ୍ୟକ ରହିଛି ।
