ବ୍ରହ୍ମପୁର ଠାରୁ ଭବାନୀ ପାଟଣା ସରକାରୀ ବସ ଚଳାଚଳ ପାଇଁ ଦାବୀ
ଆସିକା, ୧୪/୫/୨୬ (ଶିବ ଶଙ୍କର ମିଶ୍ର ) ଗଞ୍ଜାମ ଜିଲ୍ଲାର ପ୍ରାଣକେନ୍ଦ୍ର ବ୍ରହ୍ମପୁର ଠାରୁ ପଶ୍ଚିମ ଓଡ଼ିଶାର ପ୍ରାଣକେନ୍ଦ୍ର କଳାହାଣ୍ଡି ଜିଲ୍ଲାର ଭବାନୀ ପାଟଣା କୁ ରାଜ୍ଯ ସରକାର ଙ୍କ ସଡକ ପରିବହନ ନିଗମ ତରଫରୁ ସରକାରୀ ବସ ଚଳାଚଳ ପାଇଁ ସାଧାରଣ ଜନତା ଦାବୀ କରିଛନ୍ତି । ଏହି ବସ ବ୍ରହ୍ମପୁର ଠାରୁ ବାହାରି ହିଞ୍ଜିଳି, ଆସିକା, ଧରାକୋଟ,ସୋରଡା,ଦାରିଙ୍ଗବାଡ଼ି, ବାଲିଗୁଡ଼ା,ତୁମୁଡ଼ିବନ୍ଧ,ଏମ ରାମପୁର, ନର୍ଲା, ସତିଗୁଡ଼ା ଦେଇ ଭବାନୀପାଟଣା ରେ ପହଞ୍ଚିବ । ଜିଲ୍ଲା ଜିଲ୍ଲା ମଧ୍ୟରେ ଅର୍ଥନୈତିକ ଅଭିବୃଦ୍ଧି ପାଇଁ ଏହି ରୁଟ ରେ ସରକାରୀ ବସ ଚଳାଚଳ ବେଶ ଜରୁରୀ ଅଟେ। ଅନ୍ୟ ପକ୍ଷରେ ସରକାରୀ କର୍ମଚାରୀ ଓ ସାଧାରଣ ଲୋକେ ପ୍ରତ୍ୟହ ଏହି ସବୁ ସ୍ଥାନ ଗୁଡିକୁ ନିଜର ନିତିଦିନିଆ କାର୍ଯ୍ୟ ପାଇଁ ଯାତାୟାତ କରୁଛନ୍ତି । ବ୍ରହ୍ମପୁର ଠାରୁ ଭବାନୀପାଟଣା ସରକାରୀ ଗାଡି ଯାତାୟତ ହେଉନଥିବାରୁ ବେସରକାରୀ ବସ ଗୁଡ଼ିକ ମନଇଚ୍ଛା ମୂଲ୍ୟ ନେଉଛନ୍ତି ଏବଂ ଯାତ୍ରା ମଧ୍ୟ ସମୟ ସାପେକ୍ଷ ହେଉଛି । ଏଣୁ ରାଜ୍ୟ ସରକାରଙ୍କ ପକ୍ଷରୁ ବ୍ରହ୍ମପୁର ଠାରୁ ଭବାନୀପାଟଣା ସରକାରୀ ବସ ଚଳାଚଳ ପାଇଁ ଦାବୀ ହେଉଛି ।
