ନୂଆପଡା: ଜଣେ କର୍ତ୍ତବ୍ୟ ରତ ସାମ୍ବାଦିକ ଙ୍କୁ ଆକ୍ରମଣ । ସେହି ଘଟଣା ପୁଣି ଥାନା ଗେଟ ସମ୍ମୁଖରେ । ସୂଚନା ମତେ ନୂଆପଡ଼ା ଜିଲ୍ଲା ଖଡ଼ିଆଳ ଥାନା ତୁକୁଲା ଗ୍ରାମ ଜଗତପଡା ର ରମେଶ ତାଣ୍ଡି ଓ ସ୍ତ୍ରୀ କ୍ଷୀରମଣି ତାଣ୍ଡି ଙ୍କ ମଧ୍ୟରେ ଝଗଡା ହୋଇଥିଲା । ରମେଶ ତାଣ୍ଡି ସ୍ତ୍ରୀ କ୍ଷୀରମଣି ଙ୍କୁ ବହୁତ ଜୋର ରେ ବାଡେଇଥିବା ବେଳେ ସ୍ତ୍ରୀ ଅଚେତ ହୋଇ ପଡ଼ିଥିଲେ । ସ୍ତ୍ରୀ ଅଚେତ ହେବା ପରେ ସାଙ୍ଗେ ସାଙ୍ଗେ ଖଡ଼ିଆଳ ମିଶନ ହସ୍ପିଟାଲ କୁ ଚିକିତ୍ସା କରିବା ପାଇଁ ଆଣିଥିଲେ । ହେଲେ ଚିକିତ୍ସା ଧିନ ଅବସ୍ଥାରେ କ୍ଷୀରମଣି ଙ୍କ ମୃତ୍ୟୁ ହୋଇଯାଇଥିଲା । ଖଡ଼ିଆଳ ଏସଡିପିଓ ସନ୍ତକ ଜେନା ଘଟଣା ସ୍ଥଳ ରେ ପହଂଚି ସବ କୁ ଜବତ କରି ଖଡ଼ିଆଳ ଥାନା ରଖିଥିଲେ । ସ୍ୱାମୀ ରମେଶ ଙ୍କୁ ମଧ୍ୟ ଥାନାରେ ଅଟକ ରଖିଥିଲେ । ଏହି ସମୟରେ ସାମ୍ବାଦିକ ରବିକାନ୍ତ ଠେଲା ଥାନା ପରିସରରେ ଉପସ୍ଥିତ ଥିଲେ । ସାମ୍ବାଦିକ ରବିକାନ୍ତ ଠେଲା ଏହି ସମୟରେ ମୃତ କ୍ଷୀରମଣି ଫୋଟୋ ନେଉଥିଲେ । କିଛି ଲୋକ ଫୋଟୋ ନେବାର ଦେଖି ଉତ୍ୟକ୍ତ ହୋଇ ସାମ୍ବାଦିକ ରବିକାନ୍ତ ଠେଲା ଙ୍କୁ ତଳେ ପକାଇ ବାଡେଇ ଲହୁ ଲୁହାଣ କରିଦେଇଥିଲେ । ସାମ୍ବାଦିକ ଙ୍କୁ ଆକ୍ରମଣ କରି ଥିବା ବ୍ୟକ୍ତି ମାନେ ଝିଅ ସପକ୍ଷ ବାଦୀ ବୋଲି ଜଣାପଡିଛି । ଜଣେ କର୍ମରତ ସାମ୍ବାଦିକ ଙ୍କୁ ବାଡେଇବା ଘଟଣା କୁ ନେଇ ନୂଆପଡା ଜିଲ୍ଲା ସମସ୍ତ ସାମ୍ବାଦିକ ସଂଘ ନିନ୍ଦା କରିବା ସହ ଖଡ଼ିଆଳ ପୋଲିସ ଆକ୍ରମଣ କରିଥିବା ଅଭିଯୁକ୍ତ ମାନଙ୍କୁ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି କରିଛନ୍ତି । ଏବିଷୟରେ ଖଡ଼ିଆଳ ଏସଡିପିଓ ସନ୍ତକ ଜେନା ଙ୍କୁ ଯୋଗାଯୋଗ କରାଯିବା ରୁ ବର୍ତ୍ତମାନ 7 ଜଣ ଙ୍କୁ ଗିରଫ କରାଯାଇ ଥିବା ପ୍ରକାଶ କରିଛନ୍ତି । ଭିଡିଓ କ୍ଲିପ ଦେଖି ଅନ୍ୟାନ୍ୟ ଅଭିଯୁକ୍ତ ମାନଙ୍କୁ ମଧ୍ୟ ଗିରଫ କରାଜିବ ବୋଲି ସେ ପ୍ରତିଶ୍ରୁତି ଦେଇଛନ୍ତି ।ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
previous post