ନମୋ ମହାଲକ୍ଷ୍ମୀ
ମାଗୋ ମହିମାମୟୀ ଅନ୍ନପ୍ରଦାୟନୀ
ଦାରିଦ୍ର ଭଞ୍ଜନୀ ମାଗୋ ଲକ୍ଷ୍ମୀ ନାରାୟଣୀ।।
ପଦ୍ମବିଳାସିନୀ ମାଗୋ ଜଗତ ଜନନୀ
ସାଗର ତନୟା ଦେବୀ ବିଷ୍ଣୁଙ୍କ ଘରଣୀ।।
ଭକ୍ତିଚିତ୍ତେ ଯେଉଁ ନାରି ହୃଦେ ସୁମରଇ
କୋଟି ସୁଖ ଐଶ୍ଵର୍ଯ୍ୟ ବରଦେଉ ତୁହି।।
ତୋର ବାରବ୍ରତ ମାଗୋ କରେ ଯେହୁ ନିତି
ତୋର ବେନୀ ପାଦପଦ୍ମେ ଢାଳଇ ଭକତି।।
ତୋ କରୁଣା ପାଏ ମାଗୋ ଜନମେ ଜନମେ
ତୋର ଦୟାବଳେ ସୁଖ ସଂସାରରେ ଭ୍ରମେ।।
କୀଟୁ ବ୍ରହ୍ମ ଯାଏଁ ମାଗୋ ବକ୍ଷେ ଧରୁ ଯେଣୁ
ସଂସାର ପାଳିନୀ ନାମ ବହିଅଛୁ ତେଣୁ।।
ଖ୍ୟାତି ଅଛି ଜଗତରେ ମହିମା ତୋହର
ଯୁଗେ ଯୁଗେ ମହାଲକ୍ଷ୍ମୀ ଅଟୁ ଦୁଃଖିଙ୍କର।।
ଦୁଃଖିଙ୍କର ଦୁଃଖ ମାଗୋ ନ ଦେଖୁ କିଞ୍ଚିତେ
ଅପାର କରୁଣା ବାରି ଢାଳୁ ମା ତୁରିତେ।।
ତୁହି ପିତା ମାତା ବନ୍ଧୁ ସଖା ସହୋଦର
ରକ୍ଷାକର୍ତ୍ତା ବିଶ୍ଵାସନୀ ସଙ୍କଟୁ ଉଦ୍ଧାର।।
କମଳା ବିମଳା ଦେବୀ ସତ୍ୟ ସନାତନୀ
ଦୁଇ ହାତ ଯୋଡି ମାଗୋ କରୁଛି ଦୟିନୀ।।
ମମତା ସାହୁ
ଗାଈଗାଁ, କଳାହାଣ୍ଡି
