ନଦୀକୁ ଗାଧୋଇବା ସମୟରେ ପାଣିରେ ବୁଡି ବୃଦ୍ଧ ମୃତ
ଡାବୁଗାଁ, ୨୧/୫ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ର ନନ୍ଦପୁରା ପଞ୍ଚାୟତ ଅଧୀନ ମେଞ୍ଜର ଗ୍ରାମରେ ନଦୀକୁ ଗାଧୋଇବା ସମୟରେ ପାଣିରେ ବୁଡି ଜଣେ ବୃଦ୍ଧ ମୃତ୍ୟୁ ଘଟିଥିବା ନେଇ ଗୁରୁବାର ମଧ୍ୟାନ୍ନରେ ଡାବୁଗାଁ ଥାନାରେ ଅଭିଯୋଗ ହୋଇଛି | ସୂଚନାଯୋଗ୍ୟ:- ଡାବୁଗାଁ ବ୍ଲକ ର ନନ୍ଦପୁରା ପଞ୍ଚାୟତ ଅଧୀନ ମେଞ୍ଜର ଗ୍ରାମର ସନୁ ଗୌଡ (୬୫) ଗୁରୁବାର ପୂର୍ବାହ୍ନରେ ଗ୍ରାମ ନିକଟ ଭସ୍କେଲ ନଦୀକୁ ଗାଧୋଇବା ପାଇଁ ଯାଇଥିଲେ | ନଦୀରେ ଗାଧୋଇବା ସମୟରେ ଗୋଡ ଖସି ଯିବାରୁ ପାଣିରେ ବୁଡି ଯାଇଥିଲେ | ସେହି ସ୍ଥାନରେ ୨ ଜଣ ଛୋଟ ପିଲା ଗାଧୋଉଥିଲେ | ସନୁ ଗୌଡ ବୁଡି ଯିବା ଦେଖି ପିଲା ୨ ଜଣ ସଙ୍ଗେ ସଙ୍ଗେ ଗ୍ରାମକୁ ଯାଇ ବୃଦ୍ଧ ଙ୍କ ପରିବାର ଲୋକ ଙ୍କୁ ଖବର ଦେଇଥିଲେ | ମୃତ ବୃଦ୍ଧ ଙ୍କ ପୁଅ ଦେବ ଗୌଡ ନଦୀରେ ପହଞ୍ଚି ସନୁ ପାଣିରେ ବୁଡି ରହିଛି | ସେ ଗ୍ରାମବାସୀ ଙ୍କ ସହାୟତାରେ ଖୋଜାଖୋଜି କରିଥିଲେ | ପରେ ବୃଦ୍ଧ ଙ୍କ ମୃତ ଦେହ ଉଦ୍ଧାର କରିଥିଲେ | ଏହାପରେ ମୃତକର ପୁଅ ଦେବ ଗୌଡ ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲାକୁ ଭିତ୍ତି କରି ସିଂସାରୀ ଫଣ୍ଡି ଅଧିକାରୀ ଦୂର୍ଗା ପ୍ରସାଦ ବ୍ରହ୍ମା ଘଟଣାସ୍ଥଳରେ ପହଞ୍ଚି ଶବ ଜବତ କରି ପାଞ୍ଚନାମା କରି ବ୍ୟବଚ୍ଛେଦ ପାଇଁ ଉମରକୋଟ ଉପଖଣ୍ଡ ଚିକିତ୍ସାଳୟକୁ ପଠାଇଥିଲେ | ପରେ ଶବ ବ୍ୟବଚ୍ଛେଦ କରାଯାଇ ପରିବାର ଲୋକ ଙ୍କୁ ହସ୍ତାନ୍ତର କରାଯାଇଛି | ଏନେଇ ଥାନା କେସ ନଂ ୧୪/୨୬ ରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
