ନବରଙ୍ଗପୁର ଜିଲ୍ଲାର କ୍ରୀଡ଼ାବିତ୍ ମାନଙ୍କ ପାଇଁ ” ବିଜୁ ପଟ୍ଟନାୟକ କ୍ରୀଡ଼ା ପୁରସ୍କାର” ଆବେଦନ
ନବରଙ୍ଗପୁର:( ତା ୨୭.୫.୨୦୨୬)(ରବି ନାରାୟଣ ମହାନ୍ତି) ୨୦୨୫ ବର୍ଷ ପାଇଁ “ବିଜୁ ପଟ୍ଟନାୟକ କ୍ରୀଡ଼ା ପୁରସ୍କାର” ନିମନ୍ତେ ଆବେଦନ/ନାମାଙ୍କନ ଆହ୍ୱାନ କରାଯାଉଛି।କ୍ରୀଡ଼ା ଓ ଯୁବ ସେବା ବିଭାଗ, ଓଡ଼ିଶା ସରକାରଙ୍କ ପକ୍ଷରୁ ୨୦୨୫ ବର୍ଷ ପାଇଁ “ବିଜୁ ପଟ୍ଟନାୟକ କ୍ରୀଡ଼ା ପୁରସ୍କାର” ପ୍ରଦାନ କରାଯିବ। ଏହି ପୁରସ୍କାର ନିମନ୍ତେ ଯୋଗ୍ୟ ବ୍ୟକ୍ତି/ସଂସ୍ଥାଙ୍କଠାରୁ ଅନ୍ଲାଇନ୍ ଓ ଅଫ୍ଲାଇନ୍ ମାଧ୍ୟମରେ ଆବେଦନ/ନାମାଙ୍କନ ଆହ୍ୱାନ କରାଯାଇଛି।ଜିଲ୍ଲାପାଳ , ନବରଙ୍ଗପୁରଙ୍କ କାର୍ଯ୍ୟାଳୟ ପକ୍ଷରୁ ଉପଜିଲ୍ଲାପାଳ, ସମସ୍ତ ତହସିଲଦାର, ବିଡିଓ, ପୌର ନିର୍ବାହୀ ଅଧିକାରୀ, ସୂଚନା ଓ ଲୋକ ସମ୍ପର୍କ ଅଧିକାରୀ,ଜିଲ୍ଲା କ୍ରୀଡା ସଂଘର ସଚିବଙ୍କୁ ଏହି ସୂଚନାର ବ୍ୟାପକ ପ୍ରଚାର ପାଇଁ ଅନୁରୋଧ କରାଯାଇଛି, ଯାହାଦ୍ୱାରା ଯୋଗ୍ୟ କ୍ରୀଡ଼ାବିତ୍, ପ୍ରଶିକ୍ଷକ ଓ କ୍ରୀଡ଼ା ସଂଗଠକମାନେ ଆବେଦନ କରିପାରିବେ।ଏହି କ୍ରୀଡ଼ା ପୁରସ୍କାର ୮ଟି ବର୍ଗରେ ପ୍ରଦାନ କରାଯିବ: କ୍ରୀଡ଼ା ଓ ଖେଳର ପ୍ରଚାର ପ୍ରସାରରେ ଆଜୀବନ ସାଧନା ପାଇଁ ବିଜୁ ପଟ୍ଟନାୟକ କ୍ରୀଡ଼ା ପୁରସ୍କାର , ବର୍ଷର ଉତ୍କୃଷ୍ଟ କ୍ରୀଡ଼ା ପ୍ରଦର୍ଶନ ପାଇଁ ବିଜୁ ପଟ୍ଟନାୟକ କ୍ରୀଡ଼ା ପୁରସ୍କାର , ପ୍ରଶିକ୍ଷଣରେ ଉତ୍କର୍ଷତା ପାଇଁ ବିଜୁ ପଟ୍ଟନାୟକ କ୍ରୀଡ଼ା ପୁରସ୍କାର ,କ୍ରୀଡ଼ା ପ୍ରଚାର ପ୍ରସାରରେ ଶ୍ରେଷ୍ଠ ଅବଦାନ ପାଇଁ ପୁରସ୍କାର ,କ୍ରୀଡ଼ା ସାମ୍ବାଦିକତାରେ ଉତ୍କର୍ଷତା ପାଇଁ ପୁରସ୍କାର , ବର୍ଷର ଶ୍ରେଷ୍ଠ ପାରା-କ୍ରୀଡ଼ାବିତ୍ ପୁରସ୍କାର ,ବର୍ଷର ଶ୍ରେଷ୍ଠ ଉଦୀୟମାନ ଜୁନିଅର ଆଥଲେଟ୍ ପୁରସ୍କାର , ବର୍ଷର ଶ୍ରେଷ୍ଠ କ୍ରୀଡ଼ା ବୈଷୟିକ ଅଧିକାରୀ/ସହାୟକ କର୍ମଚାରୀ ପୁରସ୍କାର ଏଭଳି ପୁରସ୍କାର ବିତରଣ କରାଯିବ। ଏଣୁ ଜିଲ୍ଲାର ଯୋଗ୍ୟ କ୍ରୀଡ଼ାବିତ୍ ମାନଙ୍କୁ ବିଭିନ୍ନ ବର୍ଗରେ ଆବେଦନ କରିବାକୁ ଅନୁରୋଧ କରାଯାଇଛି। https://sports.odisha.gov.in ୱେବ୍ ସାଇଟ୍ ରେ ନିର୍ଧାରିତ ଫର୍ମ ରେ ଆବେଦନ କରିପାରିବେ।ଏହି ଆବେଦନ ର ଶେଷ ତାରିଖ ୧୦.୬.୨୦୨୬ ପର୍ଯ୍ୟନ୍ତ ରହିଛି।
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
