ଦଶଥର ନିର୍ବାଚିତ ପାକ୍ସ ସଭପତି ଙ୍କ ପରଲୋକ
ଆସିକା, ୩୦/୫/୨୬ (ଶିବ ଶଙ୍କର ମିଶ୍ର ) ଧରାକୋଟ ବ୍ଲକର ସିଙ୍ଗିପୁର ସ୍ଥିତ ଧବଳେଶ୍ୱର ସେବା ସମବାୟ ସମିତିର ସଭାପତି ପ୍ରଭାକର ପାଳ ଙ୍କ ର 74 ବର୍ଷ ବୟସରେ ହୃଦଘାତ ରେ ପରଲୋକ ହୋଇଯାଇଛି । ତାଙ୍କର ପିତା ସ୍ୱର୍ଗତ ରଘୁନାଥ ପାଳ ସିଙ୍ଗିପୁର ପଞ୍ଚାୟତ ର ପ୍ରଥମ ସରପଞ୍ଚ ଓ ପ୍ରଥମ ପାକ୍ସ ସଭାପତି ଥିଲେ । ବାପାଙ୍କ ମୃତ୍ୟୁ ପରେ ଜଳସେଚନ ବିଭାଗ ର ଚାକିରି ପରିତ୍ୟାଗ କରି ପ୍ରଭାକର 2007 ରୁ 2012 ମସିହା ପର୍ଯ୍ୟନ୍ତ ସିଙ୍ଗିପୁର ପଞ୍ଚାୟତ ର ସରପଞ୍ଚ ଓ ଦଶଥର ସେବା ସମବାୟ ସମିତିର ସଭାପତି ଭାବରେ ନିର୍ବାଚିତ ହୋଇ କାର୍ଯ୍ୟ ସମ୍ପାଦନ କରିଆସୁଥିଲେ । ଯାହାକି ଏକ ବିରଳ ରେକର୍ଡ ଅଟେ । ତାଙ୍କର ମୃତ୍ୟୁଶଯ୍ୟା ନିକଟରେ ଧର୍ମପତ୍ନୀ ଙ୍କ ସହ ଦୁଇପୁଅ ଇଂ ପ୍ରେମ ପ୍ରକାଶ ଓ ଇଂ ପ୍ରଭୁ ପ୍ରସାଦ ଉପସ୍ଥିତ ରହିଥିଲେ। ଜଣେ ସରଳ, ଅମାୟିକ,ପରୋପକାରୀ ବ୍ୟକ୍ତି ଭାବରେ ସେ ଧରାକୋଟ ଅଞ୍ଚଳରେ ଜଣାଶୁଣା ଥିଲେ। ତାଙ୍କର ମୃତ୍ୟୁରେ ଅଞ୍ଚଳରେ ଶୋକର ଛାୟା ଖେଳିଯାଇଛି।
