କମ ବୟସରୁ ଭକ୍ତି ମାର୍ଗରେ ତ୍ରିନାଥ ଠାକୁରଙ୍କ ଦୁଇ କୁନି ଭକ୍ତ
ଆସିକା, ୨/୬/୨୬ (ଶିବ ଶଙ୍କର ମିଶ୍ର ) ଜଣ ଙ୍କର ବୟସ ଆଠ ବର୍ଷ, ଅନ୍ଯ ଜଣଙ୍କ ବୟସ ମାତ୍ର ଚାରି ବର୍ଷ। ଆଶ୍ଚର୍ଯ୍ୟର ବିଷୟ ଏତେ କମ ବୟସରୁ ସେମାନେ ଆପେ ଆପେ ଟାଣିହୋଇ ଆସିଛନ୍ତି ଭକ୍ତି ମାର୍ଗକୁ । ଧରାକୋଟ ବ୍ଲକର ଜାହାଡା ପଞ୍ଚାୟତ ଅନ୍ତର୍ଗତ ଦଶ ମାଇଲି ଗ୍ରାମରେ ଜାତୀୟ ରାଜପଥ 59 ପାର୍ଶ୍ୱରେ ରହିଛି ଏକ ତ୍ରିନାଥ ମେଳା । ଏହି ମନ୍ଦିରରେ ପୂଜା ପାର୍ବଣ ରେ ଭକ୍ତ ମାନଙ୍କ ଭିଡ ଜମେ । ଏହି ମନ୍ଦିରରେ ପୂଜକ ଭାବରେ ଆଦ୍ୟରୁ କୈଳାସ ସାବତ ନିଜର ଦାୟିତ୍ୱ ତୁଲାଇ ଆସୁଛନ୍ତି। ତାଙ୍କ ବଡ଼ ପୁଅ ପଦ୍ମନାଭ ଓ ବୋହୂ ଭାରତୀ ଙ୍କ ଦୁଇଝିଅ ସମୃଧା (୮) ଓ ଅମୃତା ( 4) । ବଡ଼ଝିଅ ଦଶ ମାଇଲି ପ୍ରାଥମିକ ବିଦ୍ୟାଳୟ ରେ ଦ୍ୱିତୀୟ ଶ୍ରେଣୀରେ ପଢୁଥିବା ବେଳେ ସାନ ଝିଅ ଅଙ୍ଗନୱାଡି କେନ୍ଦ୍ରରେ ପଢୁଛି । ଆଶ୍ଚର୍ଯ୍ୟର କଥା ଜେଜେ ବାପା କୈଳାସ ସାବତ ସନ୍ଧ୍ୟାରେ ଠାକୁରଙ୍କ ପୂଜା ପାଇଁ ମନ୍ଦିର ଆସିବା ବେଳେ ସେଥିରେ ସବୁଦିନ ଆସନ୍ତି ଦୁଇ ନାତୁଣୀ । ଏହାପରେ ଭକ୍ତମାନେ ଆସିବା ବେଳକୁ ଦୁଇ ଭଉଣୀ ଜଣେ ପରେ ଜଣେ ବିଭିନ୍ନ ଭଜନ ସହ ପୁରାଣ ବହି ପଡନ୍ତି । ଯାହାକି ଭକ୍ତ ମାନଙ୍କୁ ବେଶ ଆକର୍ଷିତ କରୁଛି । ଏତେ ଛୋଟ ଛୋଟ ପିଲା ହେଲେମଧ୍ୟ ପ୍ରତିଦିନ ନିୟମିତ ଭାବରେ ଭଜନ ସହ ପୁରାଣ ପଢୁଥିବାରୁ ମନ୍ଦିର ରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହେଉଛି । ସମୃଧା ସହ କଥାଭାଷା ବେଳେ ସେ ସ୍ୱତଃ ପ୍ରବୃତ୍ତ ଭାବରେ ଠାକୁରଙ୍କ ପାଖକୁ ଆସୁଥିବା ବେଳେ ଭଜନ ଗାଇଲେ ତାଙ୍କୁ ଖୁସି ଲାଗୁଛି ବୋଲି କହିଛନ୍ତି। ସେହିପରି ଅମୃତା କହିଛନ୍ତି ଦୁଇ ଭଉଣୀ ମିଶିକି ଆସୁଛୁ ଓ ଭଜନ ଜଣାଣ ବୋଲୁଛୁ,ଆଗକୁ ସବୁଦିନ ଆସିବୁ ବୋଲି ପ୍ରକାଶ କରିଛନ୍ତି। ସତରେ ଏତେ ଛୋଟ ବୟସରେ ଆଧ୍ୟାତ୍ମିକ ପରିବେଶ ଜାଗରଣ ପାଇଁ ଦୁଇ ଭଉଣୀଙ୍କ ପ୍ରାୟାସ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି।
