ଗୋପକୁଳ ଗଉଡ ସମାଜର ବାର୍ଷିକ ଜିଲ୍ଲା ସ୍ତରୀୟ ବୈଠକ
ନର୍ଲା: ନର୍ଲା ପଞ୍ଚାୟତର ଜୁର୍କାଭଟ୍ଟା ଗ୍ରାମରେ ଅସ୍ଥାୟୀ ସଭାପତି ଫକିର ଗଉଡଙ୍କ ସଭାପତିତ୍ବରେ ଗୋପକୁଳ ଗଉଡ ସମାଜର ବାର୍ଷିକ ଜିଲ୍ଲା ସ୍ତରୀୟ ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ନୂତନ କମିଟି ଗଠନ ସହ ସମାଜର ଉନ୍ନତି ଉପରେ ଆଲୋଚନା, ସମାଜ ନିୟମାବଳୀ ବାବଦରେ ପରିବର୍ତ୍ତନ ଓ ନୂଆ ନିୟମ ପ୍ରଣୟନ ପାଇଁ ପ୍ରସ୍ତାବ ଗ୍ରହଣ କରାଯାଇଥିଲା। ନୂତନ ନିୟମାନୁସାରେ ୩ବର୍ଷ ବଦଳରେ ନବ ନିର୍ବାଚିତ ସଭାପତିଙ୍କ କାର୍ଯ୍ୟକାଳ ୫ ବର୍ଷ ରହିବ ବୋଲି ସ୍ଥିର କରାଯାଇଥିଲା। ପ୍ରଥମେ ସଭାପତି ଚୟନରେ ପୁରୁଣା କମିଟିର ସଭାପତିଙ୍କ କାର୍ଯ୍ୟକାଳପ ଦେଖି ପୁଣିଥରେ ସଭାପତି ଭାବେ ତ୍ରିଲୋଚନ ଗଉଡ଼ଙ୍କୁ ଦାୟିତ୍ଵ ଦିଆଯାଇଥିଲା। ନୂତନ ସଂପାଦକ ଭାବରେ ରମେଶ ବେହେରା,ଉପ ସଭାପତିରେ ସତ୍ୟନାରାୟଣ ଗୈାଡିଆ ସହ ସଂପାଦକ ନାରାୟଣ ଗଉଡ, ସାଙ୍ଗଠନିକ ସଂପାଦକ ଭାବେ ଲାଲମୋହନ ପଣ୍ଡା ବୃନ୍ଦାବନ ଗଉଡ ଏବଂ ଉପଦେଷ୍ଠା ଭାବରେ ପୁରୁଣା କମିଟିକୁ ପୁନର୍ବାର ଚୟନ କରାଯାଇ ଥିଲା। ଏଥିରେ ପ୍ରସନ୍ନ ଗଉଡ, ଡମ୍ବରୁଧର ବେହେରା, ଫକିର ଗଉଡ, ଲିଙ୍ଗରାଜ ବେହେରା, କାର୍ଯ୍ୟକାରୀ କମିଟିରେ ପର୍ଶୁରାମ ଗଉଡ,କମଲ ସଦେଇ , ଜଗନ୍ନାଥ ଗଉଡ, କେଦାର ବେହେରା, ନରେଶ ଗୈାଡିଆ, କୋଷାଧ୍ୟକ୍ଷ ଭାବରେ ସୁନାଶୀର ଗଉଡ ମନୋନୀତ ହୋଇଥିବା ବେଳେ ଧନ୍ୟବାଦ ଅର୍ପଣ ଡମ୍ବରୁଧର ବେହେରା କରିଥିଲେ।
ଦୀପକ ଠାକୁର ଙ୍କ ରିପୋର୍ଟ୍
