ଗଣିତ ଓ ବିଜ୍ଞାନ ଶିକ୍ଷକଙ୍କ ପଦୋନ୍ନତି ବଦଳିରେ ସିନିୟର ଏସ୍ ଇ ଏସ୍ ପ୍ରଧାନଶିକ୍ଷକ ପଦବୀରେ ଯୋଗଦାନ:ସମସ୍ତ ଶିକ୍ଷକ ଶିକ୍ଷୟତ୍ରୀ ଆନନ୍ଦିତ
ନବରଙ୍ଗପୁର:(୬|୬)(ରବି ନାରାୟଣ ମହାନ୍ତି)ରାଜ୍ୟରେ ଜୁନିଅର ଏସ୍ ଇ ଏସ୍ ସହକାରୀ ଶିକ୍ଷକଙ୍କୁ ସିନିୟର ଏସ୍ ଇ ଏସ୍ ପ୍ରଧାନଶିକ୍ଷକ ପଦବୀକୁ ୨୪୭୯ ଜଣ ଙ୍କୁ ପଦୋନ୍ନତି ଡି ଏସ ଇ (ଓ), ଭୁବନେଶ୍ବର ଚିଠି ନମ୍ବର ୧୪୩୪୫ ତା ୨|୬|୨୦୨୬ ରେ ନବରଙ୍ଗପୁର ଜିଲ୍ଲା ରେ ୬୦ ଜଣ ପଦୋନ୍ନତି ପାଇଥିଲେ l ତନ୍ମଧ୍ୟରୁ ବିଦେଶୀ ମହାଙ୍କୁଡ (ଦକ୍ଷ ଛାତ୍ର ବତ୍ସଳ ଗଣିତ ଓ ବିଜ୍ଞାନ ଶିକ୍ଷକ)ସିନିୟର ଏସ୍ ଇ ଏସ୍ ପ୍ରଧାନଶିକ୍ଷକ ଭାବେ ଆଦେଶ ନାମା ପାଇଛନ୍ତି lନଵରଙ୍ଗପୁର ଜିଲ୍ଲା ନନ୍ଦାହାଣ୍ଡି ବ୍ଳକ ପୋଡ଼ାଲଗୁଡା ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟରେ ଡାବୁଗାଁ ସରକାରୀ ନୁତନ ପଞ୍ଚାୟତ ଉଚ୍ଚ ବିଦ୍ୟାଳୟରେ କାର୍ଯ୍ୟରତ ଗଣିତ ଓ ବିଜ୍ଞାନ ଶିକ୍ଷକ ବିଦେଶୀ ମହାଙ୍କୁଡ ଏଠାରୁ ପଦୋନ୍ନତି ପାଇ ବଦଳି ହୋଇ ସେଠାରେ ଯୋଗଦାନ କରିଛନ୍ତି l ସେ ଜଣେ କର୍ତ୍ତବ୍ୟନିଷ୍ଠ, ସମୟାନୁବର୍ତ୍ତିତା,ଆଦର୍ଶ ଗଣିତ ଓ ବିଜ୍ଞାନ ଶିକ୍ଷକ ଭାବେ ବେଶ୍ ଜଣାଶୁଣା ହୋଇ ସମସ୍ତଙ୍କ ପ୍ରିୟପାତ୍ର, ଛାତ୍ର ବତ୍ସଳ ହୋଇ ଉଠିଥିଲେ l ତାଙ୍କ ବଦଳିରେ ସମ୍ପୃକ୍ତ ବିଦ୍ୟାଳୟ ଛାତ୍ରଛାତ୍ରୀ ମାନଙ୍କ ମନରେ ଦୁଃଖର ଛାୟା ଖେଳି ଯାଇଥିଲା l ବିଧିର ବିଧାନ କେ କରିବ ଆନ ପଦୋନ୍ନତି ବଦଳି କୁ କିଏ ବା ରୋକିବ l ପଦୋନ୍ନତି ବଦଳି ହୋଇଥିବା ବେଳେ ତାଙ୍କ ଯୋଗଦାନରେ ପୋଡ଼ାଲଗୁଡା ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷୟତ୍ରୀ ଶ୍ରୀମତୀ ସଞ୍ଜୀତା ବେହେରା ଓ ଅନ୍ୟାନ୍ୟ ସହକର୍ମୀଗଣ ଶ୍ରୀ ମହାଙ୍କୁଡଙ୍କୁ ପୁଷ୍ପଗୁଚ୍ଛ ଦେଇ ସ୍ୱାଗତ ସମ୍ବର୍ଦ୍ଧନା କରି ଏକ ଖୁସିର ମାହୋଲ ସୃଷ୍ଟି କରିଥିଲେ ll
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
