ଇ-ନାମ ମାଧ୍ୟମରେ ଆମ୍ବ ବିକ୍ରିକରି ଲାଭାନ୍ନୀତ ହେଲେ ଚାଷୀ
ଧର୍ମଗଡ:ନିୟନ୍ତ୍ରିତ ବଜାର କମିଟି, ଜୁନାଗଡ଼ର ଇ-ନାମ ମଣ୍ଡି ମାଧ୍ୟମରେ ଜୁନାଗଡ଼, ଧର୍ମଗଡ଼ ଓ ଗୋଲାମୁଣ୍ଡା ବ୍ଲକର ଅନେକ ଚାଷୀ ଆମ୍ବ, ତଥା ଅନ୍ୟାନ୍ୟ କୃଷିଜାତ ଦ୍ରବ୍ୟ ବିକ୍ରୟ କରି ଲାଭାନ୍ୱିତ ହୋଇପାରିଛନ୍ତି।
ଜୁନାଗଡ଼ ବ୍ଲକର ଚାଷୀ ଭୁବନେଶ୍ୱର ପଟେଲ ଓ କୈଳାଶ ନାଏକ, ଧର୍ମଗଡ଼ ବ୍ଲକର ବୃନ୍ଦାବନ ଚୌଧୁରୀ ଓ କନ୍ଦର୍ପ ନାଏକ, ଏବଂ ଗୋଲାମୁଣ୍ଡା ବ୍ଲକର ଧନଞ୍ଜୟ ନାଏକ ଓ ଟୁନୁ ଭୋଇଙ୍କ ସମେତ ଅନ୍ୟାନ୍ୟ ଚାଷୀମାନେ ଇ-ନାମ ପ୍ଲାଟଫର୍ମ ମାଧ୍ୟମରେ ନିଜ ଉତ୍ପାଦିତ କୃଷିଜାତ ଦ୍ରବ୍ୟ ବିକ୍ରୟ କରି ଉତ୍ତମ ମୂଲ୍ୟ ପାଇଛନ୍ତି। ଧର୍ମଗଡ଼ ବ୍ଲକର ଲୁହାଗାଁ ଗ୍ରାମର ଚାଷୀ କନ୍ଦର୍ପ ନାଏକଙ୍କ ଦ୍ୱାରା ଉତ୍ପାଦିତ ୨୪.୫୦ କ୍ୱିଣ୍ଟାଲ ଆମ୍ବ ଇ-ନାମ ମାଧ୍ୟମରେ ପଞ୍ଜୀକୃତ ବ୍ୟବସାୟୀ ଶଙ୍କର ଗେନଙ୍କୁ ସଫଳତାର ସହିତ ବିକ୍ରୟ କରାଯାଇଥିଲା।
ସମ୍ପୂର୍ଣ୍ଣ ପ୍ରକ୍ରିୟାରେ ନିୟନ୍ତ୍ରିତ ବଜାର କମିଟି ଜୁନାଗଡ଼ ର ସମ୍ପାଦକ ଉଦିତ କୁମାର ବାବୁ ଏବଂ କୋଷାଧକ୍ଷ ବସନ୍ତ କୁମାର ସେଠି ସାମଗ୍ରିକ ତଦାରଖ, ବଜାର ସଂଯୋଗ ସ୍ଥାପନ ଏବଂ ବ୍ୟବସାୟୀଙ୍କ ସହ ସମନ୍ନୟ କାର୍ଯ୍ୟ କରିଥିଲେ l ମଣ୍ଡି ବିସ୍ଲେଷକ ଭବାନୀଶଙ୍କର ମାଝୀ, ବିସ୍ଲେଷକ ସାଇ ଦେଵାତ୍ମନ ବେହେରା, ବିଶ୍ୱନାଥ ନାଏକ, ଡ଼ିଈଓ ଯଶୋବନ୍ତ ଭୋଇ ଓ ବିରଞ୍ଚି ମଶ୍ରା ଚାଷୀ ଓ ବ୍ୟବସାୟୀଙ୍କ ମଧ୍ୟରେ ସମନ୍ୱୟ ସାଧନ କରିବା ସହ ଆମ୍ବର ଗୁଣାତ୍ମକ ମାନ ଯାଞ୍ଚ, ଗ୍ରେଡିଂ ଏବଂ ଓଜନ ନିର୍ଦ୍ଧାରଣ ପ୍ରକ୍ରିୟା ସୁଚାରୁରୂପେ ପରିଚାଳନା କରିଥିଲେ।
ବିଦ୍ୟାଧର ସାହୁଙ୍କ ରିପୋର୍ଟ….
