ଧର୍ମଗଡ:୧୮/୫/୨୨: ଧର୍ମଗଡ ବ୍ଲକ ଅନ୍ତର୍ଗତ ବସୁଲ୍ ଗ୍ରାମ ରେ ଅବକାରୀ ବିଭାଗ ପକ୍ଷରୁ ମିଳିତ ଚଢାଉ କାର ଯାଇ ୬ କେଜି ୪୦୦ ଗ୍ରାମ ଗଞ୍ଜେଇ ଜବତ କରାଯିବା ସହ ଜଣେ ବ୍ୟକ୍ତି ଙ୍କୁ ଗିରଫ କରାଯାଇଛି । ବସୁଲ ଗ୍ରାମ ରେ ଗଞ୍ଜେଇ କାରବାର ହେଉଥିବା ନେଇ ବିଶେଷସୂତ୍ର ରୁ ଖବର ପାଇ ଅବକାରୀ ନିରୀକ୍ଷକ ଲଲିତ ମୋହନ ମିଶ୍ର ଙ୍କ ନେତୃତ୍ୱ ରେ ମିଳିତ ଚଢାଉ କରାଯାଇ ଥିଲା । ଗୋପବନ୍ଧୁ ମେହେର (୫୬) ଙ୍କ ଘରେ ଚଢାଉ କରାଯାଇ ଗଞ୍ଜେଇ ଜବତ କରାଯାଇଥିଲା। ଜବତ ଗଞ୍ଜେଇ ର ପରିମାଣ ୬କେଜି ୪୦୦ ଗ୍ରାମ । ଏ ସମ୍ପର୍କ ରେ ଜୁନାଗଡ ଅବକାରୀ ଥାନା ରେ କେସ ନଂ- ୧୯/୨୨-୨୩ ରେ ମାମଲା ରୁଜୁ କରାଯାଇ ଥିବା ବେଳେ ଗିରଫ ଗୋପବନ୍ଧୁ ମେହେର ଙ୍କୁ କୋର୍ଟ ଚାଲାଣ କରାଯାଇଛି । ଏହି ଚଢାଉ ରେ ଭ୍ରାମ୍ୟମାଣ ଅବକାରୀ ନୀରିକ୍ଷକ ସୁଶାନ୍ତ ପ୍ରଧାନ, ଜିଲ୍ଲା ମୋବାଇଲ ସ୍କ୍ୱାର୍ଡ ସବ ଇନ୍ସପେକ୍ଟର ବସନ୍ତ ବିଶି ଙ୍କ ସମେତ ଅବକାରୀ ଥାନା ଅଧିକାରୀ ଭବାନୀପାଟଣା, ଜୁନାଗଡ ଓ ଧର୍ମଗଡ ସାମିଲ ଥିଲେ ।
ଧର୍ମଗଡ଼ ରୁ ବୈଦ୍ୟ ନାଥ ବେହେରା ଙ୍କ ରିପୋର୍ଟ।
