କେବେ ଲାଗିବ ନୂତନ ବିଦ୍ୟୁତ୍ ଖୁଣ୍ଟ ?
ରୁପ୍ରା (ମନିସ) : ନର୍ଲା ବ୍ଳକ ଭାନପୁର ଗ୍ରାମ ପଞ୍ଚାୟତ ଅଧିନ ବାଲିପଡା ଛକ ଦୁର୍ଗା ମଣ୍ଡପ ସମ୍ମୁଖରେ ଥିବା ଜୀବନ୍ତ ଲୁହା ବିଦ୍ୟୁତ୍ ଖୁଣ୍ଟ ଅତ୍ଯନ୍ତ ବିପଦ ସଙ୍କୁଳ ଅବସ୍ଥାରେ ଥିବା ଦେଖିବାକୁ ମିଳିଛି। ସ୍ଥାନୀୟ ଲୋକଙ୍କ ସୂଚନା ମୁତାବକ ବାଲିପଡାକୁ ଯେତେବେଳେ ବିଦ୍ୟୁତ୍ ସଂଯୋଗ ହେଲା ସେହି ସମୟରୁ ଲୁହା ବିଦ୍ୟୁତ୍ ଖୁଣ୍ଟ ଲାଗିଛି, ଫଳରେ ଉକ୍ତ ଖୁଣ୍ଟର ମୂଳ ଅଂଶ କଳଙ୍କ ଲାଗି ଖୁଣ୍ଟ ଭାଙ୍ଗିବା ଅବସ୍ଥାରେ ରହିଥିବା ବେଳେ ବର୍ଷା ସମୟରେ ଉକ୍ତ ଖୁଣ୍ଟରେ ବିଦ୍ୟୁତ ଚାର୍ଜ୍ ହୋଇଥାଏ ବୋଲି ସ୍ଥାନୀୟ ବ୍ଯବସାୟୀ ପ୍ରଣୟ ଭୋଇ ପ୍ରକାଶ କରିଛନ୍ତି।
ସେହିପରି ଉକ୍ତ ସ୍ଥାନରେ ବସ୍ ଷ୍ଟପେଜ୍ ସହ ଅନ୍ୟାନ୍ୟ ଅନେକ ଗାଡି ପାର୍କିଂ ହେଉଥିବା ସହ ଲୋକ ମାନଙ୍କ ସମାଗମ ହୋଇଥାଏ। ବିପଦପୂର୍ଣ୍ଣ ଅବସ୍ଥାରେ ଥିବା ଉକ୍ତ ଖୁଣ୍ଟ ଯଦି ଭାଙ୍ଗିପଡେ ତାହେଲେ କୌଣସି ଅଘଟଣ କୁ ଏଡ଼ାଇ ହେବ ନାହିଁ, ଏଣୁ ଉକ୍ତ ଖୁଣ୍ଟ ବଦଳରେ ଶିଘ୍ର ନୂତନ ସିମେଣ୍ଟ ଖୁଣ୍ଟ ଲଗାଇବା ପାଇଁ ଦାବି ହେଉଛି।
ରୁପ୍ରା ରୁ ପ୍ରଦୀପ କୁମାର ସେନାପତି ଙ୍କ ରିପୋର୍ଟ ।
