ଫର୍ଟିଲାଇଜର ମଣ୍ଡଳର ମଣ୍ଡଳ କାର୍ଯ୍ୟକାରିଣୀ ବୈଠକ ଅନୁଷ୍ଠିତ
ରାଉରକେଲା: ରଘୁନାଥପାଲ୍ଲୀ ବିଧାନସଭା କ୍ଷେତ୍ର ଅନ୍ତର୍ଗତ ଫର୍ଟିଲାଇଜର ମଣ୍ଡଳର ମଣ୍ଡଳ କାର୍ଯ୍ୟକାରିଣୀ ବୈଠକ ବିଶ୍ୱକର୍ମା ଭଵନ ପରିସରରେ ମଣ୍ଡଳ ସଭାପତି ପ୍ରତାପ ପଟ୍ଟନାୟକଙ୍କ ଅଧକ୍ଷତାରେ ଅନୁଷ୍ଠିତ ହୋଇଥିଲା। ଅତିଥି ବୃନ୍ଦ ଦୀପ ପ୍ରଜ୍ୱଳନ କରି କାର୍ଯ୍ଯକ୍ରମର ଶୁଭାରମ୍ଭ କରିଥିଲେ। ସାମୂହିକ ବନ୍ଦେ ମାତରଂ ଗାନ ପରେ ବୈଠକ ଆରମ୍ଭ ହୋଇଥିଲା । ସଭାପତି ଶ୍ରୀ ପଟ୍ଟନାୟକ ତାଙ୍କ ସ୍ଵାଗତ ଭାଷଣରେ ବୈଠକର ତାତ୍ପର୍ଯ୍ୟ ବିଷୟରେ ଆଲୋକପାତ କରିବା ସହିତ ସଂଗଠନକୁ ସକ୍ରିୟ ଓ ଶକ୍ତିଶାଳୀ କରିବାକୁ ପରାମର୍ଶ ଦେଇଥିଲେ । ଏହି କାର୍ଯ୍ୟକ୍ରମରେ ଜିଲ୍ଲା ଅଧ୍ୟକ୍ଷା ପୂର୍ଣ୍ଣିମା କେରକେଟା, ରଘୁନାଥପଲ୍ଲୀ ବିଧାୟକ ଦୁର୍ଗା ଚରଣ ତନ୍ତୀ, ପୂର୍ବତନ ଜିଲ୍ଲା ସଭାପତି ଜଗବନ୍ଧୁ ବେହେରା, ମୁଖପାତ୍ର ଗଙ୍ଗାଧର ଦାଶ, ଜିଲ୍ଲା ଉପସଭାପତି ତଥା ମଣ୍ଡଳ ପ୍ରଭାରୀ ପ୍ରଫୁଲ କୁମାର ମିଶ୍ର, ବରିଷ୍ଠ ନେତା ଉଦିତ ଅମାତ୍ ଆଦି ମଞ୍ଚାସୀନ ନେତୃ ବୃନ୍ଦ କେନ୍ଦ୍ର ସରକାର ଓ ରାଜ୍ୟ ସରକାରଙ୍କ ବିଭିନ୍ନ ଜନ ହିତକାରୀ ଯୋଜନାକୁ ଜନତାଙ୍କ ପାଖରେ ପହଞ୍ଚାଇବା ସହିତ ସଂଗଠନକୁ ସୁଦୃଢ଼ ଓ ଶକ୍ତିଶାଳୀ କରିବା ପାଇଁ କଠିନ ପରିଶ୍ରମ କରିବାକୁ ପରାମର୍ଶ ଦେଇଥିଲେ । ଏହି କାର୍ଯ୍ୟକ୍ରମରେ ବିଶେଷ ଅତିଥିରୂପେ ପୂର୍ବତନ ମଣ୍ଡଳ ସଭାପତି ରମାକାନ୍ତ ଜେନା ଓ ସନ୍ତୋଷ କୁମାର ଦାସଙ୍କ ଉପସ୍ଥିତ ସହିତ ମଣ୍ଡଳ କାର୍ଯ୍ୟକର୍ତ୍ତା ନରନାଥ କନ୍ଵାର, ଉତ୍ତମ ଜେନା, ବାସୁଦେବ ନାଥ, ମହେନ୍ଦ୍ର ସାମଲ, ସନ୍ତୋଷୀ ବର୍ଲା, ବିଜୟ ଲକ୍ଷ୍ମୀ, ମିନୁ ନାୟକ, କିଶୋର ତ୍ରିପାଠୀ, ରଶ୍ମିରଞ୍ଜନ ଚୌଧୁରୀ, ପ୍ରଫୁଲ୍ଲ ନାୟକ, ରବି ଘଡେଇ, ଚନ୍ଦନ ବେହେରା, ସୁଜିତ୍ ବିଶ୍ୱାଳ, ନିର୍ମଳା ମହାତଙ୍କ ସମେତ ବହୁ ସଦସ୍ୟ ଉପସ୍ଥିତ ଥିଲେ । ମଣ୍ଡଳ ସମ୍ପାଦକ ବୈକୁଣ୍ଠ ପାତ୍ର ପରିଚାଳନା କରିଥିବାବେଳେ ମଣ୍ଡଳ ଉପସଭାପତି ସଞ୍ଜୟ ଦାସ ଧନ୍ୟଵାଦ ଅର୍ପଣ କରିଥିଲେ ।
କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
