ନୂଆପଡ଼ା : ଦୁଇ ଦିନିଆ ନୂଆପଡା ଜିଲ୍ଲା ଗସ୍ତରେ ପଶ୍ଚିମ ଓଡ଼ିଶା ବିକାଶ ପରିଷଦ ଅଧକ୍ଷ ଅଶୀତ ତ୍ରିପାଠୀ ଆସି ଗୁରୁବାର ଖଡ଼ିଆଳ ପହଞ୍ଚି ବିଭିନ୍ନ ଉନ୍ନୟନ ମୂଳକ ପ୍ରକଳ୍ପ ଚାଷ ଦେଖିଛନ୍ତି । ପ୍ରଥମେ ଭାଲଡୁଙ୍ଗରି ଠାରେ ବିକଳ୍ପ ଚାଷ ଓ ବଡ଼ମୂଳା ଠାରେ ମସ୍ଥ୍ୟ ଯାଆଁଳା କେନ୍ଦ୍ର ବୁଲି ଦେଖିଥିଲେ। ସେହିପରି ଖଡ଼ିଆଳ କଲେଜ ପରିସର ମଧ୍ୟରେ ନିର୍ମାଣ ହେବାକୁ ଥିବା ୯.୮ କୋଟି ଟଙ୍କା ବ୍ୟୟରେ ଟାଉନ ହଳ ସହ ଓ ଅଡ଼ିଟରିୟମ ଖଡ଼ିଆଳ ବାସୀଙ୍କ ପାଇଁ ଶିଳାନ୍ୟାସ କରିଛନ୍ତି । ଏହି ଗସ୍ତରେ ଜିଲ୍ଲାପାଳ ସ୍ବାଧାଦେଵ ସିଂ, ଖଡ଼ିଆଳ ବିଧାୟକ ଅଧିରାଜ ପାଣିଗ୍ରାହୀ, କଲେଜ ଅଧକ୍ଷ ଗଙ୍ଗାଧର ପାଣିଗ୍ରାହୀ, ଖଡ଼ିଆଳ ଏନ ଏ ସି ଅଧ୍ୟକ୍ଷ ଉଜ୍ଜଳ ଗୁପ୍ତା ଏବଂ ମୁଖ୍ୟ ନିର୍ବାହୀ ଅଧିକାରୀ ଅଜିତ ଦାଶ ପ୍ରମୁଖ ଯୋଗ ଦେଇଥିଲେ। ଆସନ୍ତା ୧୮ ମାସ ମଧ୍ୟରେ ଏହି ପ୍ରକଳ୍ପକୁ ନିର୍ମାଣ ନେଇ ସମୟ ସୀମା ଧାର୍ଯ୍ୟ କରିଥିବା ବେଳେ ଗୃହ ଓ ପୁତ୍ତ ନିର୍ମାଣ ବିଭାଗ ଏହି ନିର୍ମାଣ କାର୍ଯ୍ୟ କରିବେ। ଟାଉନ ହଲ ଓ ଅଡ଼ିଟରୀୟମରେ ବର୍ଷକୁ ୫୦ ଲକ୍ଷ ଟଙ୍କାରୁ ଅଧିକ ଟଙ୍କା ଖର୍ଚ୍ଚ ହେଉଥିବାରୁ ଏହାର ଦାଇତ୍ୱ ଜିଲ୍ଲାପାଳଙ୍କ ହାତରେ ରହିବ ଏହାର କାର୍ଯ୍ୟକାରିତା ଖଡ଼ିଆଳ ଏନ ଏ ସି ମଧ୍ୟ କରିପାରିବ ବୋଲି ପ୍ରକାଶ କରିଥିଲେ । ଖଡ଼ିଆଳ ଠାରେ ହେଉଥିବା ଟାଉନ ହଲ ଓ ଅଡିଟେରିୟମ ଉପଯୁକ୍ତ ସ୍ଥାନରେ ହେଉଛି ଏହାକୁ କଲେଜ ମଧ୍ୟ ବ୍ୟବହାର କରି ପାରିବ । ଯେମିତି ସ୍ଥାନ ଦରକାର ଯେଉଁଠାରେ ଦୁଇ ଶହ ମୋଟର ସାଇକେଲ ଓ ଦୁଇ ଶହ ଚାରି ଚକିଆ ଗାଡି ରହିପାରିବ ସେହି ପରି ସ୍ଥାନରେ ନିର୍ମାଣ ହେଉଛି । ପରେ ଖଡ଼ିଆଳ ସ୍ୱୟଂ ଶାସିତ ମହାବିଦ୍ୟାଳୟରେ ଛାତ୍ରଛାତ୍ରୀ ମାନଙ୍କ ସହିତ ବାର୍ତାଲାପ କରି ନୂଆପଡ଼ା ଜିଲ୍ଲାରେ ନୂଆପଡା ଓ ଖଡ଼ିଆଳ ମହାବିଦ୍ୟାଳୟ ଜିଲ୍ଲାର ଉନ୍ନତି ପଥରେ ମୁଖ୍ୟ ଭୂମିକା ଗ୍ରହଣ କରିଛି ବୋଲି ନିଜ ବକ୍ତବ୍ୟ ପ୍ରଦାନ କରିଥିଲେ । କିଛି ଅସୁବିଧା ଅଛି ତାକୁ ବିଭାଗୀୟ ଅଧିକାରୀ ମାନଙ୍କୁ କହି ତାର ସମାଧାନ କରାଯିବ ବୋଲି ପ୍ରକାଶ କରିଥିଲେ । ସାମ୍ବାଦିକ ସମ୍ମିଳନୀରେ ଯୁବକ ମାନଙ୍କୁ ଚାକିରୀ ପଛରେ ନଧାଇଁ ନିଜ ନିଜର ଜମିରେ ଚାଷ କରି ଅଧିକ ଲାଭବାନ ହୋଇ ପାରିବେ । ବର୍ତ୍ତମାନ ସରକାରଙ୍କ ପକ୍ଷରୁ ଚାଷ ପାଇଁ ଅଧିକ ସହାୟତା ଯୋଗାଇ ଦିଆଯାଉଛି । ବାଜିରା, ଗୁର୍ଜି, ମାଣ୍ଡିଆ, କପା ଚାଷ କରି ଅଧିକ ଲାଭବାନ ହୋଇ ପାରିବେ । ଖଡ଼ିଆଳ କୃଷି ଫାର୍ମ ୪୫ ଏକର ଜମି ଓ ମସ୍ଥ୍ୟ ଚାଷ ପାଇଁ ୨୫ ଏକଡ଼ ଜମି ଅଛି ତାଙ୍କ ଦୃଷ୍ଟି ଆକର୍ଷଣ କରିବା ପରେ ଏହି ଜମି ଗୁଡିକର ବିକାଶ କାର୍ଯ୍ୟ ହାତକୁ ନେଇ ଉନ୍ନତି କରାଯିବ ବୋଲି ପ୍ରକାଶ କରିଥିଲେ । ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
previous post
next post