ରୁପ୍ରା, (ମନିସ) : ନର୍ଲାବ୍ଲକ୍ ଅଧିନ ରୁପ୍ରା ସ୍ଥିତ ମଙ୍ଗଳବାର ସାପ୍ତାହିକ ବଜାରରେ ଏକ ମୋବାଇଲ ଚୋର ଜଣଙ୍କ ପକେଟ୍ ରୁ ମୋବାଇଲ ଚୋରି କରି ଦୌଡି ପଳାଉଥିବା ବେଳେ ଲୋକଙ୍କ ହାବୁଡରେ ପଡିବାରୁ ଚୋରକୁ କାବୁ କରିବା ସହ ଲୋକେ ଚୋରକୁ ନିର୍ଦ୍ଧୁମ୍ ଛେଚିଲେ ଓ ତାର ପ୍ୟାଣ୍ଟ୍ ପକେଟ୍ ରୁ ଚୋରି ହୋଇଥିବା ମୋବାଇଲ ବାହାର କରାଯାଇ ଥିଲା।
ପରେ ୧୧୨ ନମ୍ୱରକୁ ଫୋନ୍ କରିବାରୁ କେସିଙ୍ଗା ଆଦର୍ଶ ଥାନାରୁ ପୁଲିସ୍ ପହଞ୍ଚି ଚୋରକୁ ଅଟକ ରଖିବା ସହ ଚିକିତ୍ସା ନିମନ୍ତେ ରୁପ୍ରା ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ। ଚିକିତ୍ସା ସରିବା ପରେ ପୁଲିସ୍ ଚୋରକୁ ଥାନାକୁ ନେଇଥିଲେହେଁ ଚୋର ପରିଚୟ ପ୍ରଦାନ କରିନଥିବା ପୁଲିସ୍ ପ୍ରକାଶ କରିଛନ୍ତି ।
ସୂଚନା ମୁତାବକ ନର୍ଲା ବ୍ଲକ ଅଧିନ ବିଭିନ୍ନ ସାପ୍ତାହିକ ବଜାରରୁ ଅନେକ ମୋବାଇଲ ଚୋରି ହେବାରେ ଲାଗିଥିବା ଓ ଚୋର ଧରାପଡୁନଥିବା ବେଳେ ମଙ୍ଗଳବାର ଜଣେ ଚୋର କୁ ଧରିବାରେ ଲୋକେ ସଫଳ ହୋଇଥିଲେ। ଚୋର ମାନଙ୍କ ଏକ ଗ୍ୟାଙ୍ଗ୍ ଥିବା ଲୋକେ କହିଛନ୍ତି।
