କଲମପୁର , ୭/୬ (ମସିହା) କଲମପୁର ସଦରମହକମା ଦକ୍ଷିଣ ଷୋୖଣ୍ଢିକ ସମାଜର ବାର୍ଷିକୀୟ ମାଁ ଠାକୁରାଣୀଙ୍କ ଘଟଯାତ୍ରା ମହା ସମାରୋହରେ ପାଳିତ ହୋଇଯାଇଛି । ଦକ୍ଷିଣ ଷୋୖଣ୍ଢିକ ସମାଜର ମାଁ ଠାକୁରାଣୀ ମନ୍ଦିର ରେ ମାଙ୍କ ପ୍ରତିମାକୁ ପ୍ରତି ବର୍ଷ ଭୋଗଲାଗି କରାଯାଇ ଥାଏ । ଏହି ପରିପେକ୍ଷିରେ ଗତ ରବିବାର ଦିନ ଅଧିବାସ ସୋମବାର ଦିନ ଘଟ ପରିକ୍ରମା ଓ ମଙ୍ଗଳବାର ଦିନ ଦେବୀଙ୍କ ଘଟ ଓ ପାରମ୍ପରିକ ବାଦ୍ୟ ସହ ମା କାଲି ଓ ଶିବଙ୍କ ରୂପଧାରୀଙ୍କ ମେଳରେ ଗ୍ରାମ ପରିକ୍ରମା କରି ପୂଜାବିଧି ସମାପନ କରାଯାଇଥିଲା । ମାନସିକ ଧାରୀ ମାନେ ଏହି ଦିନ ଭୋଗ ରାଗ..ଅର୍ପଣ କରିବାର ପ୍ରଥା ରହିଥିବା ବେଳେ ସନ୍ତାନ ମାନଙ୍କ ଚୁଟି କାଟି ଥାନ୍ତି ।ଏହିଦିନ ବିଭିନ୍ନ ଗ୍ରାମରୁ ବନ୍ଧୁ ବାନ୍ଧବ ଆତ୍ମୀୟ ସ୍ୱଜନ ଆସି ମାଙ୍କ ଦର୍ଶନ ଓ ମାନସିକ ରଖି ଥାନ୍ତି । ଠାକୁରାଣୀ ମାଙ୍କ ନଗର ପରିକ୍ରମା ସମୟରେ ପ୍ରଥମେ ଗ୍ରାମର ଗଣା ଓ ପରେ ଲଙ୍କେଶ୍ୱରି ପୁଝାରୀଙ୍କ ଘରକୁ ପୂଜା ପାଇବା ପରେ ଗ୍ରାମ ପରିକ୍ରମା କରିଥାଏ , ପୂଜକ ପୀତବାସ ସାହୁ ଓ ନିହାର ରଞ୍ଜନ ସାହୁ ମାଙ୍କ ପୂଜାବିଧି ପ୍ରତି ବର୍ଷ ନିଷ୍ଠାପର କରି ଆସୁଥିବା ବେଳେ ଆଜି ମଙ୍ଗଳବାର ଦିନ ବଳି ଭୋଗ ପରେ ପୂଜା କାର୍ଯ୍ୟ ସମ୍ପନ୍ନ ହୋଇଥିଲା । ଏଥିରେ ଗୋପାଳ ସାହୁ , ଗୋକୁଳ ସାହୁ , ଦୀପକ ସାହୁ , ଦିଲୀପ ସାହୁ , ଗଣେଶ ସାହୁ , ଶିବ ସାହୁ , ସଞ୍ଜୟ ସାହୁ , ସୁବ୍ରତ ସାହୁ ପ୍ରମୁଖ ସହଯୋଗ କରିଥିଲେ ।
କଲମପୁର ରୁ ପରମାନନ୍ଦ ଠାକୁରଙ୍କ ରିପୋର୍ଟ ।
