ରଜ ମଉଜ
ରଜ ଗୀତ
ବଉଳ ଲୋ….
କବି ସୌରଭ
ବୈଜୟନ୍ତୀ ମାଳା ମହାପାତ୍ର
ଆସ ଲୋ ସଖି ସଙ୍ଗାତ
ରଜଦୋଳି ଖେଳି ଗାଇବା ଗୀତ
ଗାଇବା ଗୀତ ଲୋ
ଆସ ଆସ ମୋର ମିତ
ବଉଳ ଲୋ ……ll
ବନରେ ପାଚିଛି କୋଳି
ଆସ ଅସ ସାଙ୍ଗ ହୋଇବା ମେଳି
ହୋଇବା ମେଳି ଲୋ
ପକାଇବା ହୁଳହୁଳି
ବଉଳ ଲୋ…,..ll
ଅଳତା ଗୋଡ଼ରେ ନାଇ
ମଥାରେ ସିନ୍ଦୁର ଟିପା ଲଗାଇ
ଟିପା ଲଗାଇ ଲୋ
ବୁଲୁଥିବା ସାହି ସାହି
ବଉଳ ଲୋ……. ll
ପାନ ଖିଲ ବଡ଼ ମିଠା
ପାଟିକୁ ସୁଆଦ ଅମ୍ବିକ ଖଟା
ଆମ୍ବିଳ ଖଟା ଲୋ
ଟିକେ ଖଟା ଟିକେ ମିଠା
ବଉଳ ଲୋ…… ll
ନାନା ଜାତି ପିଠା ପଣା
ମାଆ କରିଛନ୍ତି କ୍ଷୀରି ଅଲଣା
କ୍ଷୀରି ଅଲଣା ଲୋ
ଦେହ ପାଇଁ ହିତ ଜଣା
ବଉଳ ଲୋ……ll
ମୁରୁଜରେ ଝୋଟି ଦେଇ
ସାତ ରଙ୍ଗ ଢାଳି ତାକୁ ରଙ୍ଗେଇ
ତାକୁ ରଙ୍ଗେଇ ଲୋ
ଘରକୁ ଦେବା ସଜେଇ
ବଉଳ ଲୋ……. ll
ଶୀତର ହିମ କାକର
ଘାସ ଗାଲିଚାରେ କି ମନୋହର
କି ମନୋହର ଲୋ
ଲାଗେ ଟୋପା ହୀରକର
ବଉଳ ଲୋ…… ll
କେଶବ ସାଥିରେ ରାଇ
ଗୋପୀ ଗୋପାଳ ଯେ ଦୋଳି ଝୁଲାଇ
ଦୋଳି ଝୁଲାଇ ଲୋ
ନାଚୁଛନ୍ତି ଥେଇ ଥେଇ
ବଉଳ ଲୋ…….ll
ଫୁଲବାଣୀ,କନ୍ଧମାଳ
