ରୁପ୍ରା : ନର୍ଲାବ୍ଲକ ଅଧିନ ରୁପ୍ରା ଗ୍ରାମ ସ୍ଥିତ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ରର ନୂତନ ପରିଚାଳନା କମଟି ଆଜି ଗଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମ ମାତୃପ୍ରେମୀ ତଥା ଶିକ୍ଷକ କୁମୁଦ ଚନ୍ଦ୍ର ସେନାପତିଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା । ଶିକ୍ଷାକେନ୍ଦ୍ର ପରିଚାଳନା ପାଇଁ ୧୬ ଜଣ ସଦସ୍ୟଙ୍କୁ ନେଇ କମିଟି ଗଠନ କରାଯାଇଥିଲା । ସଭାପତି ଭାବରେ ଅବସରପ୍ରାପ୍ତ ଶିକ୍ଷକ ମହେଶ୍ୱର ସାହୁ, ସମ୍ପାଦକ ଭାବରେ ଜୁନାଗଡ ବ୍ଲକର ଅବସରପ୍ରାପ୍ତ ବିଇଓ ବିଜୟ ସେନାପତି ଓ କୋଷାଧ୍ୟକ୍ଷ ଭାବରେ ଶିକ୍ଷା କେନ୍ଦ୍ରର ଅଧ୍ୟକ୍ଷ ରୋହିତ ମାହାର ପ୍ରମୁଖଙ୍କୁ ସର୍ବ ସମ୍ମତି କ୍ରମେ ଚୟନ କରାଯାଇଥିବା ବେଳେ ଅନ୍ୟ ୧୩ ଜଣ କମିଟିର ସଦସ୍ୟ ରହିଛନ୍ତି । ଉକ୍ତ କାର୍ଯ୍ୟକ୍ରମରେ ଶ୍ରୀଅରବିନ୍ଦ ପାଠଚକ୍ରର ଜିଲ୍ଲା ସଙ୍ଗଠନର ସଭାପତି ଗଣେଶ ପ୍ରସାଦଙ୍କ ପ୍ରତିନିଧି କୈଳାସ ଚନ୍ଦ୍ର ଜେନା, ବସନ୍ତ ଭାଇ, ଶ୍ରୀଅରବିନ୍ଦ ଟ୍ରଷ୍ଟ୍ ର ଅଧ୍ୟକ୍ଷା ବବିତା ସେନାପତି, ଶିକ୍ଷକ ହରପ୍ରସାଦ ସାହୁ, ଉଗ୍ରସେନ୍ ସାହୁ, ପ୍ରଦୀପ ନନ୍ଦ, ମହେନ୍ଦ୍ର ସାହୁ, ବିନୋଦ ବିହାରୀ ସାହୁ, ଉଷାବତୀ ସାହୁ, ଗୀତାଞ୍ଜଳୀ ସାହୁ ଓ ମମତା ସାହୁ ପ୍ରମୁଖ ଉପସ୍ଥିତ ଥିଲେ । ରୁପ୍ରା ରୁ ପ୍ରଦୀପ ସେନାପତି ଙ୍କ ରିପୋର୍ଟ ।
